និយ័តករមូលបត្រកម្ពុជា (ន.ម.ក.) ចុះអនុស្សរណៈនៃការយោគយល់គ្នាជាមួយសភាពាណិជ្ជកម្មអន្តរជាតិនៃកម្ពុជា ក្នុងគោលបំណងពង្រឹងកិច្ចសហប្រតិបត្តិការក្នុងការលើកកម្ពស់អភិបាលកិច្ចសាជីវកម្មល្អ ការកសាងសមត្ថភាព និងការអភិវឌ្ឍវិជ្ជាជីវៈដល់អភិបាល

និយ័តករមូលបត្រកម្ពុជា (ន.ម.ក.) ចុះអនុស្សរណៈនៃការយោគយល់គ្នាជាមួយសភាពាណិជ្ជកម្មអន្តរជាតិនៃកម្ពុជា ក្នុងគោលបំណងពង្រឹងកិច្ចសហប្រតិបត្តិការក្នុងការលើកកម្ពស់អភិបាលកិច្ចសាជីវកម្មល្អ ការកសាងសមត្ថភាព និងការអភិវឌ្ឍវិជ្ជាជីវៈដល់អភិបាល ចេញផ្សាយ ថ្ងៃទី ៣០ ខែ សីហា ឆ្នាំ ២០២៦ នារសៀលថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែសីហា គ.ស.២០២៦ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានអាជ្ញាធរសេវាហិរញ្ញវត្ថុមិនមែនធនាគារ ន.ម.ក. បានចុះអនុស្សរណៈនៃការយោគយល់គ្នា (MOU) ជាមួយសភាពាណិជ្ជកម្មអន្តរជាតិនៃកម្ពុជា នៅសណ្ឋាគារ Hyatt Regency Phnom Penh។ ការចុះ MOU នេះ មានគោលបំណងពង្រឹងកិច្ចសហប្រតិបត្តិការក្នុងការលើកកម្ពស់អភិបាលកិច្ចសាជីវកម្មល្អ ការកសាងសមត្ថភាព និងការអភិវឌ្ឍវិជ្ជាជីវៈដល់អភិបាល ព្រមទាំងសិក្សាលទ្ធភាពក្នុងការបង្កើតវិទ្យាស្ថានអប់រំអភិបាលនៅក្នុងទីផ្សារមូលធនរបស់ប្រទេសកម្ពុជា។