ព័ត៌មានក្នុងខេត្ត

លោកស្រីអភិបាលរងខេត្តបានថ្លែងថាក្រុមចលនាស្ត្រី បានរួមចំណែកយ៉ាងសំខាន់ ក្នុងការអភិវឌ្ឍស្ត្រី ក៏ដូចជាការលើកស្ទួយស្ត្រីឱ្យមានតួនាទីសំខាន់ក្នុងការអភិវឌ្ឍមូលដ្ឋាន

អភិបាលខេត្តកំពង់ចាម អមដំណើរ ឯកឧត្តមសន្តិបណ្ឌិត យូ ស៊ុនឡុង អញ្ជើញចុះពិនិត្យរៀបចំទីតាំង ត្រៀមសម្ភោធកំណាត់ផ្លូវជាតិលេខ៧

ថ្នាក់ដឹកនាំ និងក្រុមការងារ នៃគណៈកម្មាធិការ អ.ន.ក ខេត្ត ក្រុង/ស្រុក ឃុំ/សង្កាត់ និងមន្ត្រីពាក់ព័ន្ធប្រមាណជាង ៣០០នាក់ នាថ្ងៃទី២៩ ខែមិថុនា ឆ្នាំ២០២៦ នេះ បានទទួលការបណ្តុះបណ្តាល ស្តីពីការងាររដ្ឋបាល និងការងារបេឡាមរណៈសង្គ្រោះ ជូនថ្នាក់ដឹកនាំ និងក្រុមការងារនៃគណៈកម្មាធិការ អ.ន.ក ខេត្ត ក្រុង/ស្រុក និងសាខា អ.ន.ក ឃុំ/សង្កាត់ ក្រោមអធិបតីភាព ឯកឧត្តម អ៊ុំ សុខ អគ្គលេខាធិការរង តំណាង ឯកឧត្តមនាយឧត្តមសេនីយ៍កិត្តិ សង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការ សមាគមអតីតយុទ្ធជន និងនិវត្តជនកម្ពុជា និង លោក គន់ សុភា អភិបាលរងខេត្ត និងជាអនុប្រធាន តំណាង ឯកឧត្ដម អ៊ុន ចាន់ដា អភិបាលខេត្ត និងប្រជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម។

(កំពង់ចាម) ដើម្បីធានាឱ្យបាននូវសុវត្ថិភាពខ្ពស់ និងរបៀបរៀបរយល្អ ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ៧ នាពេលខាងមុខនេះ ឯកឧត្តមសន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី បានដឹកនាំកិច្ចប្រជុំ ដើម្បីពិភាក្សា និងដាក់ចេញនូវផែនការការងារសន្តិសុខ សណ្តាប់ធ្នាប់ ជូនដល់គណៈប្រតិភូថ្នាក់ដឹកនាំ ក៏ដូចជាប្រជាពលរដ្ឋដែលនឹងអញ្ជើញចូលរួមផ្ទាល់។

លោកស្រី ប៉ាង ដានី អភិបាលរងខេត្តនិងជាប្រធានប្រតិបត្តិសាខាសមាគមនារីកម្ពុជា ដើម្បីសន្តិភាពនិងអភិវឌ្ឍន៍ និងជាប្រធានក្រុមចលនាស្ត្រីខេត្តកំពង់ចាមបានថ្លែងថា សមាជិកាសាខាសមាគមនារី និងក្រុមចលនាស្ត្រី បានរួមចំណែកយ៉ាងសំខាន់ ក្នុងការអភិវឌ្ឍស្ត្រី ក៏ដូចជាការលើកស្ទួយស្ត្រីឱ្យមានតួនាទីសំខាន់ក្នុងការអភិវឌ្ឍមូលដ្ឋាន។ ការថ្លែងដូច្នេះស្ថិតនៅក្នុង ឱកាសដែលលោកស្រីអញ្ជើញចូលរួមដឹកនាំកិច្ចប្រជុំបូកសរុបលទ្ធផលការងារ ប្រចាំឆមាសទី១ ឆ្នាំ២០២៦ និងទិសដៅបន្តរបស់សមាគមនារី និងក្រុមចលនាស្ត្រីខេត្តកំពង់ចាម នាព្រឹកថ្ងៃទី២៩ ខែមិថុនាឆ្នាំ២០២៦ នៅសាលប្រជុំមន្ទីរកិច្ចការនារីខេត្ត។

ក្រសួងសាធារណការ និងអាជ្ញាធរខេត្តកំពង់ចាម ចុះពិនិត្យទីតាំងត្រៀមរៀបចំពិធីសម្ពោធកំណាត់ផ្លូវជាតិលេខ៧ (ស្គន់-ក្រុងកំពង់ចាម)

ផ្សាយផ្ទាល់ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត អញ្ជើញជាធិបតីភាពដ៏ខ្ពង់ខ្ពស់ ពិធីសំណេះសំណាលមហាគ្រួសារសហគ្រាសធុនតូច មធ្យម និងសិប្បកម្មកម្ពុជា ក្នុងឳកាសអបអរសាទរទិវាសហគ្រាសធុនមីក្រូតូច និងមធ្យម ថ្ងៃទី២៧ ខែមិថុនា ឆ្នាំ២០២៦ See less

លោកជំទាវ វី ស្រីពៅ អំពាវនាវដល់ពលរដ្ឋ និងសិស្សានុសិស្ស ចាត់ទុកបញ្ហាគ្រឿងញៀនជាបញ្ហារួមដែលត្រូវរួមគ្នាទប់ស្កាត់

ក្រសួងអធិការកិច្ច សហការជាមួយរដ្ឋបាលខេត្តកំពង់ចាម ផ្សព្វផ្សាយច្បាប់ស្តីពីចរាចរណ៍ផ្លូវគោក ដល់សិស្សានុសិស្សវិទ្យាល័យ ហ៊ុន សែន ស្គន់

(ស្រុកកងមាស) លោកជំទាវ វី ស្រីពៅ រដ្ឋលេខាធិការក្រសួងអធិការកិច្ច បានផ្តាំផ្ញើនិងអំពាវនាវដល់បងប្អូនប្រជាពលរដ្ឋ មាតាបិតា អាណាព្យាបាល ក៏ដូចជាក្មួយៗសិស្សានុសិស្សទាំងអស់ ត្រូវរួមគ្នាថែរក្សាសុខភាព និងរួមគ្នាប្រយុទ្ធប្រឆាំងនឹងគ្រឿងញៀន ដោយត្រូវចាត់ទុកថា «បញ្ហាគ្រឿងញៀន គឺជាបញ្ហារួមរបស់យើងទាំងអស់គ្នា» ដែលត្រូវចូលរួមទប់ស្កាត់ និងលុបបំបាត់ឱ្យអស់ពីសហគមន៍។

(ស្រុកកងមាស) សិស្សានុសិស្ស លោកគ្រូ អ្នកគ្រូ និងប្រជាពលរដ្ឋ នៅវិទ្យាល័យកងតាណឹង ប្រមាណ ៣៥០ នាក់ បានចូលរួមក្រេបយកចំណេះដឹង និងសិក្សាស្វែងយល់បន្ថែម ស្តីពីការផ្សព្វផ្សាយ ច្បាប់ស្តីពីការត្រួតពិនិត្យគ្រឿងញៀន ដែលពិធីនេះរៀបចំដោយក្រសួងអធិការកិច្ច សហការជាមួយ រដ្ឋបាលខេត្តកំពង់ចាម និងអាជ្ញាធរជាតិប្រយុទ្ធប្រឆាំងគ្រឿងញៀន។

(រាជធានីភ្នំពេញ) តបតាមការអញ្ជើញរបស់អជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃទី២៥ ខែមិថុនា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មធិការប្រយុទ្ធប្រឆាំងគ្រឿងញៀនខេត្ត បានអញ្ជើញចូលរួម អបអសាទរ ក្នុងទិវាអន្តរជាតិប្រយុទ្ធប្រឆាំងគ្រឿងញៀន ២៦ ខែមិថុនា ឆ្នាំ២០២៦ «ក្រោមប្រធានបទ រួមគ្នាឆ្លើយតបបញ្ហាគ្រឿងញៀនក្នុងបរិបទថ្មីប្រកបដោយភាពច្នៃប្រឌិត » ក្រោមអធិបតីភាពដ៏ខ្ពង់ខ្ពស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិតនៅសាលមហោស្រព កោះពេជ្រ៕