ព័ត៌មានក្នុងខេត្ត

កំពង់ចាម៖ នាព្រឹកថ្ងៃទី២០ ខែសីហា ឆ្នាំ២០២៦ មជ្ឈមណ្ឌលបណ្តុះធុរកិច្ចថ្មី (តេជោ) នៃក្រសួងសេដ្ឋកិច្ច និងហិរញ្ញវត្ថុ សហការជាមួយរដ្ឋបាលខេត្តកំពង់ចាម បានរៀបចំវគ្គចាប់យកឌីជីថល ស្តីពី «តោះ! ចាប់យកឌីជីថល» ក្នុងគោលបំណងផ្សព្វផ្សាយ និងលើកកម្ពស់ការយល់ដឹងរបស់សហគ្រាសអំពីការធ្វើបរិវត្តកម្មឌីជីថល ព្រមទាំងជំរុញការប្រើប្រាស់ដំណោះស្រាយឌីជីថល ដើម្បីបង្កើនប្រសិទ្ធភាព និងសមត្ថភាពប្រកួតប្រជែងរបស់អាជីវកម្ម។

កំពង់ចាម៖ លោក ឡោ ចាន់លី អភិបាលរងខេត្តកំពង់ចាម តំណាងឱ្យ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញជាអធិបតីក្នុងពិធីបើកសម្ពោធ «យុទ្ធនាការផលិតផលជាតិ» នៅក្រុងកំពង់ចាម ត្រូវបានរៀបចំឡើងក្នុងគោលបំណងជំរុញ និងលើកកម្ពស់ការផលិតផលិតផលក្នុងស្រុក ព្រមទាំងផ្សព្វផ្សាយឱ្យប្រជាពលរដ្ឋ និងអ្នកប្រើប្រាស់ទូទៅ កាន់តែស្គាល់ គាំទ្រ និងនិយមប្រើប្រាស់ផលិតផលដែលផលិតដោយសិប្បករ និងផលិតករខ្មែរ។

(កំពងចាម)៖ លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម និង ឯកឧត្តម ឡោ ចាន់លី អភិបាលរងខេតកំពង់ចាម នាព្រឹកថ្ងៃទី១៥ ខែសីហា ឆ្នាំ២០២៦ បានអញ្ជើញជាអធិបតីក្នុងពិធីសម្ពោធ “យុទ្ធនាការផលិតផលជាតិ (MadeInCambodia) នៅមុខមន្ទីរពាណិជ្ជកម្មខេត្តកំពង់ចាម ដែលពិធីនេះមានការចូលរួមពី មន្ទីរពាណិជ្ជកម្មខេត្ត លោក/លោកស្រី តំណាងមន្ទីរអង្គភាពពាក់ព័ន្ធ សិប្បករ-ផលិតករក្នុងស្រុក តំណាងមកពីវិស័យឯកជនជាច្រើនរូបផងដែរ។

មន្ទីរពាណិជ្ជកម្មខេត្តកំពង់ចាម សូមជូនរបាយការណ៍ថ្លៃទំនិញ ថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែសីហា ឆ្នាំ២០២៦។​សូម

លោក ឡោ ចាន់លី អភិបាលរងខេត្តកំពង់ចាមបានអញ្ជើញចូលរួមបើកសិក្ខាសាលាស្តីពីការពង្រឹងលទ្ធភាពទទួលបានហិរញ្ញប្បទានសម្រាប់ខ្សែច្រវាក់តម្លៃស្វាយចន្ទីក្រោមអធិបតីភាព ឯកឧត្តម រាជ រ៉ា រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម នាព្រឹកថ្ងៃ៣០ ខែកក្កដា ឆ្នាំ២០២៦ នៅសាលប្រជុំមន្ទីរពាណិជ្ជកម្មខេត្ត។ សិក្ខាសាលាក្នុងថ្ងៃនេះក៏មានការអញ្ជើញចូលរួមពី មន្ទីរអង្គភាពពាក់ពន្ធ័ជុំវិញខេត្ត តំណាងធនាគារ ម្ចាស់ក្រុមហ៊ុន សិប្បកម្មកែច្នៃ អាជីវករ កសិករ ក្នុងវិស័យផលិតកម្មស្វាយចន្ទី ក្នុងខេត្តកំពង់ចាម។

ខេត្តកំពង់ចាម រៀបចំផែនការបើកវគ្គបណ្តុះបណ្តាល និងផ្គូផ្គងពាណិជ្ជកម្ម ជូនដល់សមាជិក «ភូមិ១ ផលិតផល១» និងអ្នកសេដ្ឋកិច្ចក្រៅប្រព័ន្ធ

ខេត្តកំពង់ចាម៖ ក្នុងគោលបំណងជំរុញ និងលើកកម្ពស់សេដ្ឋកិច្ចមូលដ្ឋាន ព្រមទាំងពង្រីកសក្តានុពលផលិតផលក្នុងស្រុកឱ្យកាន់តែមានគុណភាព និងភាពប្រកួតប្រជែង គណៈកម្មាធិការជាតិជំរុញចលនាភូមិ១ ផលិតផល១ សហការជាមួយរដ្ឋបាលខេត្តកំពង់ចាម បានរៀបចំកិច្ចប្រជុំពិភាក្សា ដើម្បីរៀបចំគម្រោងបណ្តុះបណ្តាលស្តីពី «ការពង្រឹងចលនា ភូមិ១ ផលិតផល១»។

កំពង់ចាម៖ គណៈកម្មាធិការជាតិជំរុញចលនាភូមិមួយផលិតផលមួយ សហការជាមួយរដ្ឋបាលខេត្តកំពង់ចាម និងដៃគូអភិវឌ្ឍន៍មកពីប្រទេសតៃវ៉ាន់ បានរៀបចំកិច្ចប្រជុំរៀបចំផែនការបើកវគ្គបណ្តុះបណ្តាលជំនាញអាជីវកម្ម ឌីជីថល និងពិព័រណ៍ផ្គូផ្គងពាណិជ្ជកម្ម (Business Matching) ជូនដល់សមាជិកចលនា «ភូមិមួយ ផលិតផលមួយ» និងអ្នកប្រកបរបរក្នុងប្រព័ន្ធសេដ្ឋកិច្ចក្រៅប្រព័ន្ធ ក្នុងស្រុក-ក្រុងគោលដៅចំនួន ៤ នៃខេត្តកំពង់ចាម។

មន្ទីរពាណិជ្ជកម្មខេត្តកំពង់ចាម សូមជូនរបាយការណ៍ថ្លៃទំនិញ ថ្ងៃទី២៧ ខែកក្កដា ឆ្នាំ២០២៦

ផលិផលចំនួន ០៨មុខ ក្នុងចំណោម ០៩មុខ ដែលខេត្តកំពង់ចាម បានស្នើឡើង ទទួលបានការឯកភាពទទួលស្គាល់ ពីគណៈកម្មាធិការជាតិជំរុញចលនាភូមិមួយផលិតផលមួយ នៅក្នុងកិច្ចប្រជុំវាយតម្លៃផលិតផល ស្នើសុំវាយតម្លៃទទួលស្គាល់ជាសមាជិក នៃចលនាភូមិមួយផលិតផលមួយ ឆ្នាំ២០២៦ របស់ខេត្តកំពង់ចាម ក្រោមអធិបតីភាព ឯកឧត្តម សួន រ៉ាស៊ី អគ្គលេខាធិការរង នៃគណៈកម្មាធិការជាតិជំរុញចលនាភូមិមួយផលិតផល តាមរយៈ ប្រព័ន្ធ Zoom នាថ្ងៃទី០៣ ខែកក្កដា ឆ្នាំ២០២៦ នេះ ។

នៅសាលាខេត្តកំពង់ចាម ថ្ងៃទី០១ ខែកក្កដា ឆ្នាំ២០២៦នេះ លោក ចាន់ រ៉ាន់ អភិបាលរងខេត្ត តំណាងដ៍ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំកិច្ចប្រជុំ​ចំពោះកិច្ចថ្នាក់ខេត្ត ដោយមានការអញ្ជើញចូលរួមពីអាជ្ញាធរពាក់ មកពីក្រុងស្រុក និងអង្គភាពជុំវិញខេត្ត ដើម្បីចុះត្រួតពិនិត្យ ទីតាំងរក្សាទុកសាច់បង្កកខុសច្បាប់ និងទំនិញក្លែងក្លាយ ដែលនាំចូលពីប្រទេស​ជិតខាង ក្នុងភូមិសាស្រ្តខេត្តកំពង់ចាម។