ព័ត៌មានក្នុងខេត្ត

កំពង់ចាម៖ នាព្រឹកថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី០៩ ខែកញ្ញា ឆ្នាំ២០២៦ ឯកឧត្តម ស៊ិក ប៊ុនណា រដ្ឋលេខាធិការ ក្រសួងសុខាភិបាល បានអញ្ជើញដឹកនាំក្រុមការងារបច្ចេកទេស ចុះត្រួតពិនិត្យ និងវាយតម្លៃលើការផ្តល់សេវាថែទាំសុខភាពជូនប្រជាពលរដ្ឋ នៅមន្ទីរពេទ្យបង្អែកបាធាយ ស្ថិតក្នុងខេត្តកំពង់ចាម។

នាថ្ងៃទី០៩ ខែកញ្ញា ឆ្នាំ២០២៦ ឯកឧត្តម ស៊ិក ប៊ុនណា រដ្ឋលេខាធិការក្រសួងសុខាភិបាល បានអញ្ជើញដឹកនាំក្រុមការងារបច្ចេកទេស និងថ្នាក់ដឹកនាំពាក់ព័ន្ធ ចុះពិនិត្យស្ថានភាពទូទៅ និងការផ្តល់សេវាថែទាំសុខភាពជូនប្រជាពលរដ្ឋនៅមន្ទីរពេទ្យបង្អែកជើងព្រៃ។

លោក ឃន ប្រុស អភិបាលរងខេត្តកំពង់ចាមបានអញ្ជើញចូលរួមពិធីពិនិត្យសុខភាពភ្នែក ផ្តល់វ៉ែនតា និងវះកាត់ភ្នែកជូនប្រជាពលរដ្ឋដោយឥតគិតថ្លៃ នៅមន្ទីរ ពេទ្យបង្អែកខេត្តកំពង់ចាម ក្រោមអធិបតីភាព ឯកឧត្តមសាស្ត្រាចារ្យរង លូ លីឃាង ទីប្រឹក្សាក្រសួងសុខាភិបាល និងជានាយកមន្ទីរពេទ្យព្រះអង្គឌួង នាព្រឹកថ្ងៃទី ២២ ខែ សីហា ឆ្នាំ ២០២៦ នៅមន្ទីរ ពេទ្យបង្អែកខេត្តកំពង់ចាម ។

(កំពង់ចាម) ឯកឧត្តម ឃន ប្រុស អភិបាលនៃគណៈអភិបាលរងខេត្តកំពង់ចាម តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅថ្ងៃទី២១ ខែសីហា ឆ្នាំ២០២៦ បានអញ្ជើញចូលរួមបិទវគ្គបណ្ដុះបណ្ដាលទម្រង់ទិស ស្ដីពីការគ្រប់គ្រង PHC-BIF ស្រុក ឃុំ-សង្កាត់ ការិយាល័យប្រតិបត្តិស្រុក និងមណ្ឌលសុខភាព ក្នុងស្រុកជើងព្រៃ ដោយមានការអញ្ជើញចូលរួមពីសំណាក់លោកវេជ្ជបណ្ឌិត វ៉ា សាវុធ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម លោក គីម គុង អភិបាលនៃគណៈអភិបាលស្រុកជើងព្រៃ និងមន្ត្រីពាក់ព័ន្ធជាច្រើន ស្ថិតនៅសាលាស្រុកជើងព្រៃ។

កំពង់ចាម៖ ថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ មន្ទីរសុខាភិបាលនៃរដ្ឋបាលខេត្តកំពង់ចាម ក្នុងវគ្គបណ្តុះបណ្តាលស្តីពី «អន្តរាគមន៍ដើម្បីផ្លាស់ប្តូរឥរិយាបថអ្នកផ្តល់សេវា» ក្រោមការណែនាំរបស់លោកវេជ្ជបណ្ឌិត វ៉ា សាវុធ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម បាននិមន្តព្រះសិរីរក្ខិតមុនី ញ៉ សាវី ព្រះគ្រូចៅអធិការវត្តបទុមរតនដីដុះ សម្តែងព្រះធម្មទេសនាអប់រំផ្លូវចិត្ត ផ្សារភ្ជាប់ជាមួយការអនុវត្ត អំពីក្រមសីលធម៌វេជ្ជសាស្ត្រ សីលធម៌ទូទៅ សិទ្ធអតិថជន និងសិទ្ធិ-កាតព្វកិច្ចអ្នកផ្តល់សេវា ពន្យល់អំពីវិធីផ្សេងៗ ដែលអាកប្បកិរិយារបស់អ្នកផ្តល់សេវា អាចជះឥទ្ធិពលទៅលើអតិថជន និងអ្នកជំងឺ។

កំពង់ចាម៖ ថ្ងៃអង្គារ ៥កើត ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ មន្ទីរសុខាភិបាលនៃរដ្ឋបាលខេត្តកំពង់ចាម សហការជាមួយមជ្ឈមណ្ឌលជាតិលើកកម្ពស់សុខភាព បានរៀបចំវគ្គបណ្តុះបណ្តាលស្តីពី «អន្តរាគមន៍ដើម្បីផ្លាស់ប្តូរឥរិយាបថអ្នកផ្តល់សេវា» ដែលប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី១៨ ដល់ថ្ងៃទី២០ ខែសីហា ឆ្នាំ២០២៦ ក្រោមអធិបតីភាព លោកវេជ្ជបណ្ឌិត ម៉ែន ប៊ុនណាន អនុប្រធានមន្ទីរសុខាភិបាល តំណាងលោកវេជ្ជបណ្ឌិត វ៉ា សាវុធ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម។

(កំពង់ចាម) ឯកឧត្តម ឃន ប្រុស អភិបាលងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃពុធ ទី១៩ ខែសីហា ឆ្នាំ២០២៦ បានអញ្ជើញទទួលស្វាគមន៍គណៈប្រតិភូ United States Military Group ម្ចាស់ជំនួយអគារផ្តល់ឈាមខេត្តកំពង់ចាម ស្ថិតនៅក្នុងបរិវេណនៃមន្ទីរពេទ្យបង្អែកខេត្តកំពង់ចាម។

វិទ្យុជាតិភ្នំប្រុសភ្នំស្រី FM92.50MHzខេត្តកំពង់ចាម កម្មវិធីសន្ទនាមតិកំពុងពិភាក្សាលើប្រធានបទ​៖«ការគ្រប់គ្រងអ្នកប្រកបវិជ្ជាជីវៈវិស័យសុខាភិបាលក្នុងខេត្តកំពង់ចាម»

កំពង់ចាម៖ នាព្រឹកថ្ងៃទី៨ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យស្ថានភាពជំងឺគ្រុនឈាម និងការផ្តល់សេវាព្យាបាលជូនប្រជាពលរដ្ឋ នៅមន្ទីរពេទ្យបង្អែកស្រុកកោះសូទិន។

(កំពង់ចាម) ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអំពាវនាវ ដល់ប្រជាកសិករគ្រប់ក្រុមគ្រួសារដែលចិញ្ចឹមសត្វគោ-ក្របី ឱ្យនាំយកសត្វពាហនៈរបស់ខ្លួនមកចាក់ថ្នាំបង្ការការពារជំងឺផ្សេងៗ ដើម្បីជៀសវាងការផ្ទុះឡើង និងរីករាលដាលនៃជំងឺឆ្លងនៅក្នុងមូលដ្ឋាន ដោយយុទ្ធនាការនេះត្រូវបានផ្តល់ជូនដោយមន្ត្រីជំនាញ ដោយមិនគិតថ្លៃសេវាឡើយ។

កំពង់ចាម៖ នៅថ្ងៃទី ១៨ ខែ កក្កដា ឆ្នាំ២០២៦ លោកវេជ្ជបណ្ឌិត វ៉ា សាវុធ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម បានចាត់ឱ្យក្រុមការងារបច្ចេកទេសនៃមន្ទីរសុខាភិបាល ចុះសហការជាមួយស្រុកប្រតិបត្តិទាំង៤ រួមមាន ស្រុកកំពង់ចាម កំពង់សៀម បាធាយ និងស្រុកស្រីសន្ធរ ព្រមទាំងមណ្ឌលសុខភាពក្នុងភូមិសាស្ត្រ ដើម្បីរៀបចំកម្មវិធីអប់រំផ្សព្វផ្សាយ និងថែទាំសុខភាពជូនដល់ប្រជាពលរដ្ឋ និងសិស្សានុសិស្សនៅតាមសហគមន៍ សាលារៀន និងមណ្ឌលសុខភាព។

(កំពង់ចាម) ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដាក់ចេញនូវការអំពាវនាវ និងដាស់តឿនយ៉ាងម៉ឺងម៉ាត់ដល់មាតាបិតា និងអាណាព្យាបាលទាំងអស់ ឱ្យបង្កើនការប្រុងប្រយ័ត្នខ្ពស់ចំពោះសុខភាពកូនចៅតូចៗ ក្នុងរដូវវស្សានេះ។