ព័ត៌មានក្នុងខេត្ត

នៅថ្ងៃទី ២៦ ខែឧសភា ឆ្នាំ ២០២៦ នេះ កម្លាំងការិយាល័យនគរបាលសណ្តាប់ធ្នាប់ របស់ស្នងការដ្ឋាននគរបាលខេត្តខេត្តកំពង់ចាម បានបន្តសហការជាមួយអាជ្ញាធរក្រុងកំពង់ចាម បន្តចុះរៀបចំសណ្ដាប់ធ្នាប់ និងផ្សព្វផ្សាយ ដល់អាជីវករលក់ដូរ នៅគោលដៅផ្សារបឹងកុក ក្នុងក្រុងកំពង់ចាម។

នៅថ្ងៃទី២៥ ខែឧសភា ឆ្នាំ២០២៦ នេះ មន្ត្រីជំនាញខណ្ឌរដ្ឋបាលជលផលកំពង់ចាម សហការជាមួយអាជ្ញាធរមូលដ្ឋាន បានចុះផ្សព្វផ្សាយច្បាប់ស្តីពីរជលផល និងសេចក្តីជូនដំណឹង ស្តីពីរដូវបិទនេសាទ ឆ្នាំ២០២៦ ដល់ប្រជានេសាទតាមដងទន្លេមេគង្គ ក្នុងស្រុកកោះសូទិន និងបន្តចុះប្រតិបត្តិការបង្ក្រាបបទល្មេីសជលផល ចំនួន ០៤ករណី ។

មន្ត្រីជំនាញខណ្ឌរដ្ឋបាលជលផលកំពង់ចាម សហការជាមួយអធិការដ្ឋានរដ្ឋបាលជលផលមេគង្គ និងអាជ្ញាធរស្រុកកំពង់សៀម សហគមន៍នេសាទវិហារធំ ថ្ងៃទី២៨ ខែឧសភា ឆ្នាំ២០២៦ នេះ បានចុះប្រតិបត្តិការបង្ក្រាបបទល្មើសជលផល បានចុះរុះរើ និងបំផ្លាញចោលនូវឧបករណ៍ខុសច្បាប់ នៅនឹងកន្លែង ចំនួន ០២ករណី នៅក្នុងឃុំវិហារធំ ស្រុកកំពង់សៀម ។