ការពង្រឹងចំណេះដឹង និងសមត្ថភាពវិជ្ជាជីវៈរបស់ក្រុមគ្រូពេទ្យ គឺជាកត្តាសំខាន់មួយក្នុងការធានាគុណភាពសេវាសុខាភិបាល ជាពិសេសចំពោះជំងឺគ្រុនឈាម ដែលអាចវិវត្តទៅជាស្ថានភាពធ្ងន់ធ្ងរ ប្រសិនបើអ្នកជំងឺមិនទទួលបានការវាយតម្លៃ ការថែទាំ និងការព្យាបាលត្រឹមត្រូវទាន់ពេលវេលា។ ក្នុងស្មារតីនេះ មន្ទីរពេទ្យបង្អែកប៉ោយប៉ែត ខេត្តបន្ទាយមានជ័យ បានរៀបចំវគ្គបណ្តុះបណ្តាលស្តីពី «ការថែទាំ និងព្យាបាលអ្នកជំងឺគ្រុនឈាម» ជូនដល់ក្រុមគ្រូពេទ្យ និងបុគ្គលិកពាក់ព័ន្ធ កាលពីរសៀលថ្ងៃទី៣ ខែកញ្ញា ឆ្នាំ២០២៦។

ដោយទទួលបានការអនុញ្ញាតពីលោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស នៅថ្ងៃទី៣ ខែកញ្ញា ឆ្នាំ២០២៦ ការិយាល័យបុគ្គលិក នៃបញ្ជាការដ្ឋានកងរាជអាវុធហត្ថខេត្តបន្ទាយមានជ័យ បានចាប់ផ្តើមចែកពាក្យប្រឡងជ្រើសរើសយោធិន នៃកងរាជអាវុធហត្ថ ដល់សិស្ស និស្សិត និងយុវជនដែលមានលក្ខណសម្បត្តិគ្រប់គ្រាន់ ដោយមិនគិតថ្លៃ។

នាព្រឹកថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦ រដ្ឋបាលស្រុកមង្គលបូរី បានរៀបចំ កិច្ចប្រជុំសាមញ្ញលើកទី២៧ អាណត្តិទី៤ របស់ក្រុមប្រឹក្សាស្រុកមង្គលបូរី ក្រោមអធិបតីភាព លោក កែវ តុម ប្រធានក្រុមប្រឹក្សាស្រុក និងលោក កែវ តារារស្មី អភិបាល នៃគណៈអភិបាលស្រុកមង្គលបូរី។

នៅព្រឹកថ្ងៃទី៣ ខែកញ្ញា ឆ្នាំ២០២៦ លោក វ៉ា ជឹមណារ៉េត ចៅសង្កាត់អូរជ្រៅ រួមជាមួយក្រុមការងារ បានចុះប្រគល់ប័ណ្ណសមធម៌ (ប័ណ្ណក្រីក្រ) និងនាំយកអំណោយជាស្បៀងអាហារ និងសម្ភារៈប្រើប្រាស់ប្រចាំថ្ងៃ ជូនប្រជាពលរដ្ឋដែលមានជីវភាពខ្វះខាត និងមានពិការភាព ចំនួន ២គ្រួសារ ដែលមានទីលំនៅក្នុងភូមិក្បាលកោះ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

ដើម្បីការពារ និងអភិរក្សធនធានមច្ឆាជាតិឱ្យបានគង់វង្សក្នុងរដូវត្រីពងកូន អាជ្ញាធរខេត្តបន្ទាយមានជ័យ បានបើកប្រតិបត្តិការចុះល្បាត និងបង្ក្រាបបទល្មើសនេសាទយ៉ាងក្តៅគគុក នៅផ្ទៃទឹកនៃអាងទឹកត្រពាំងថ្ម ព្រមទាំងបានអំពាវនាវយ៉ាងទទូចដល់បងប្អូនប្រជាពលរដ្ឋឱ្យឈប់ប្រើប្រាស់ឧបករណ៍នេសាទខុសច្បាប់គ្រប់ប្រភេទ។

«ជីវជាតិគ្រប់គ្រាន់ អាហារគ្រប់គ្រាន់ ចាប់ផ្តើមពីផ្ទះរបស់អ្នក» គឺជាសារសំខាន់ដែលត្រូវបន្តផ្សព្វផ្សាយឱ្យបានទូលំទូលាយ ដើម្បីឱ្យប្រជាពលរដ្ឋយល់ដឹងពីសារៈសំខាន់នៃការជ្រើសរើស ការរៀបចំ និងការចម្អិនម្ហូបអាហារដែលមានសុវត្ថិភាព និងសារធាតុចិញ្ចឹមគ្រប់គ្រាន់ សម្រាប់លើកកម្ពស់សុខភាព និងសុខុមាលភាពរបស់សមាជិកគ្រួសារ។