ខេត្តបាត់ដំបង៖ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ១០-១១ សីហា ឆ្នាំ២០២៦ ទទួលបានលទ្ធផលគួរឱ្យកត់សម្គាល់ ដោយបេក្ខជនក្នុងខេត្តបាត់ដំបងប្រឡងជាប់រហូតដល់ ៨១.៣៩% ខ្ពស់ជាងអត្រាជាប់ជាមធ្យមភាគនៅទូទាំងប្រទេស។ យោងតាមទិន្នន័យផ្លូវការពីមន្ទីរអប់រំ យុវជន និងកីឡា ខេត្តបាត់ដំបង នាព្រឹកថ្ងៃទី០២ ខែកញ្ញា ឆ្នាំ២០២៦ ក្នុងចំណោមបេក្ខជនមកប្រឡងសរុប ៩,៣៤៣នាក់ (ស្រី ៥,៤៧៨នាក់) មានបេក្ខជនប្រឡងជាប់ចំនួន ៧,៦០៤នាក់ (ស្រី ៤,៧៤១នាក់ ត្រូវជា ៨៦.៥៥%)។ អត្រាជោគជ័យនេះ បានស្តែងឱ្យឃើញពីការខិតខំប្រឹងប្រែងយ៉ាងសកម្មរបស់សិស្សានុសិស្ស លោកគ្រូ-អ្នកគ្រូ និងការយកចិត្តទុកដាក់ខ្ពស់ពីអាជ្ញាធរខេត្ត។

បាត់ដំបងៈ គណៈគ្រប់គ្រង និងលោកនាយកសាលាបឋមសិក្សា ហ៊ុន សែន ខ្នាចរមាស នាថ្ងៃទី២៩ ខែសីហា ឆ្នាំ២០២៦កន្លងទៅថ្មីៗនេះ បានរៀបចំពិធីចែកបណ្ណសរសើរ និងរង្វាន់ដល់សិស្សានុសិស្ស ដែលជាប់ចំណាត់ថ្នាក់ពីលេខ១ ដល់លេខ៥ ក្នុងឆ្នាំសិក្សា២០២៥-២០២៦ ដោយមានការនិមន្តអញ្ជើញចូលរួម ពីព្រះតេជគុណ ចន្ទប្បញ្ញោ អឹប ភារុណ ព្រះចៅអធិការវត្តខ្នាចរមាស, លោក ភឿង សុវឌ្ឍនៈ មេឃុំខ្នាចរមាស, លោកនាយប៉ុស្តិ៍នគរបាលរដ្ឋបាលឃុំខ្នាចរមាស និងអាណាព្យាបាលជាច្រើនរូបទៀត។

បាត់ដំបង ៖ អនុប្រធានក្រុមការងារចុះមូលដ្ឋានឃុំអូរដំបង១ លោក ហូ សេរី ព្រឹទ្ធមហាឧបាសកពុទ្ធសាសនូបត្ថម្ភ និងលោកស្រី ហ៊ូ កុសុមៈ ព្រឹទ្ធមហាឧបាសិកាពុទ្ធសាសនូបត្ថម្ភ បានជំរុញលើកទឹកចិត្តដល់សិស្សានុសិស្សត្រូវតែខិតខំរៀនសូត្រឱ្យមានចំណេះ និងមានមូលធនមនុស្សពិតប្រាកដ ដើម្បីកសាងសង្គមគ្រួសារ និងប្រទេសជាតិយើងឱ្យកាន់តែមានការរីកចម្រើន ។

នាព្រឹក ថ្ងៃទី២៦ ខែសីហា ឆ្នាំ២០២៦ លោក នូវ ឫទ្ធី អភិបាលរង នៃគណៈអភិបាលស្រុករតនមណ្ឌល តំណាងលោក សើ សាម៉េត អភិបាលស្រុក បានអញ្ជើញជាអធិបតីក្នុងពិធីសំណេះសំណាល និងបិទបវេសនកាលឆ្នាំសិក្សា ២០២៥-២០២៦ នៅសាលាមត្តេយ្យធនធាន អ៉ិន ស៊ីដារ៉េ ស្ថិតនៅភូមិបាណង់ ឃុំស្តៅ ស្រុករតនមណ្ឌល។

បាត់ដំបង ៖ មេរៀនស្តីពីហានិភ័យនៃយុទ្ធភណ្ឌមិនទាន់ផ្ទុះ ដើម្បីទប់ស្កាត់គ្រោះថ្នាក់ដោយសារយុទ្ធភណ្ឌមិនទាន់ផ្ទុះ ត្រូវបានមន្ត្រីសាខាកាកបាទក្រហមកម្ពុជា ខេត្តបាត់ដំបង យកទៅផ្សព្វផ្សាយជូនដល់សិស្សានុសិស្សនៃសាលាបឋមសិក្សាចំនួន២ នៅស្រុកសង្កែ និងស្រុកគាស់ក្រឡ ខេត្តបាត់ដំបង ។

បាត់ដំបង ៖ នាយករដ្ឋាករទឹកបាត់ដំបង និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំវត្តតាមិម ឯកឧត្តម អ៊ុត ក្លឹង បានធ្វើការជំរុញដល់មាតា បិតា និងអាណាព្យាបាលសិស្ស ត្រូវអប់រំកូនចៅបន្ថែម ខណៈកូនចៅនៅជាមួយរហូតដល់ ១៦ម៉ោង រីឯគ្រូបង្រៀននៅជាមួយសិស្សតែ៨ម៉ោងប៉ុណ្ណោះ ដើម្បីឱ្យខិតខំរៀនសូត្រ មានសីលធម៌ ក្លាយជាកូនល្អ សិស្សល្អ មិត្តល្អ ។