ព័ត៌មានក្នុងខេត្ត

នាឱកាសអញ្ជើញ តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ក្នុងកិច្ចប្រជុំក្រុមការងារបច្ចេកទេសចម្រុះវិស័យអប់រំខេត្តកំពង់ចាម នាព្រឹកថ្ងៃទី២៦ ខែមិថុនា ឆ្នាំ២០២៦នេះ លោក ឃន ប្រុស អភិបាលរងខេត្ត បានផ្តល់អនុសាសន៍សំខាន់ៗចំនួន ៣ ក្នុងការលើកកម្ពស់សុវត្ថិភាព និងសុខុមាលភាពចំណីអាហារ និងទប់ស្កាត់អំពើក្មេងទំនើងទាំងក្នុង និងក្រៅបរិវេណសាលារៀន ឱ្យទទួលបានប្រសិទ្ធភាពខ្ពស់។

សមត្ថកិច្ចខណ្ឌរដ្ឋបាលជលផលកំពង់ចាម នៅថ្ងៃទី២៥ ខែមិថុនា ឆ្នាំ២០២៦ បានសហការជាមួយមន្ត្រីពាក់ព័ន្ធចេញប្រតិបត្តិការបង្ក្រាបបទល្មើសនេសាទមួយករណី ក្នុងភូមិសាស្ត្រស្រុកកងមាស ខេត្តកំពង់ចាម។

កញ្ញា លាង ស្រីភ័ក្រ លើកឡើងថា៖ យុវជនជំនាន់ឌីជីថលត្រូវតែរួបរួមគ្នា និយាយថាទេចំពោះគ្រឿងញៀន!

យុវជន លាង គីនលី សិស្សសាលាវិទ្យាល័យ ហ៊ុន សែន កងតាណឹង បង្ហាញចំណាប់អារម្មណ៍ចំពោះបញ្ហាគ្រឿងញៀន

នាយកសាលាវិទ្យាល័យ ហ៊ុន សែន កងតាណឹង ស្រុកកងមាស ខេត្តកំពង់ចាម បង្ហាញអារម្មណ៍រីករាយ នៅពេលក្រសួងអធិការកិច្ច ចុះផ្សព្វផ្សាយច្បាប់ស្តីពីការត្រួតពិនិត្យគ្រឿងញៀន

លោកជំទាវ វី ស្រីពៅ អំពាវនាវដល់ពលរដ្ឋ និងសិស្សានុសិស្ស ចាត់ទុកបញ្ហាគ្រឿងញៀនជាបញ្ហារួមដែលត្រូវរួមគ្នាទប់ស្កាត់

ក្រសួងអធិការកិច្ច សហការជាមួយរដ្ឋបាលខេត្តកំពង់ចាម ផ្សព្វផ្សាយច្បាប់ស្តីពីចរាចរណ៍ផ្លូវគោក ដល់សិស្សានុសិស្សវិទ្យាល័យ ហ៊ុន សែន ស្គន់

មន្ទីរកសិកម្មខេត្តកំពង់ចាម ដុតកម្ទេចចោលសាច់បង្កក និងប្រហិតខូចគុណភាព ២៥០គីឡូក្រាម ដើម្បីធានាសុខភាពសាធារណៈ

(កំពង់ចាម) ផលិតផលសាច់បង្កក និងប្រហិតខូចគុណភាព សរុបចំនួន ២៥០គីឡូក្រាម ដែលដឹកជញ្ជូនខុសលក្ខណៈបច្ចេកទេសបសុព្យាបាល ត្រូវបានអាជ្ញាធរជំនាញនាំយកទៅដុតកម្ទេចចោល ដើម្បីធានាសុខភាពសាធារណៈ និងសុវត្ថិភាពហូបចុកជូនប្រជាពលរដ្ឋ។

(ស្រុកកងមាស) លោកជំទាវ វី ស្រីពៅ រដ្ឋលេខាធិការក្រសួងអធិការកិច្ច បានផ្តាំផ្ញើនិងអំពាវនាវដល់បងប្អូនប្រជាពលរដ្ឋ មាតាបិតា អាណាព្យាបាល ក៏ដូចជាក្មួយៗសិស្សានុសិស្សទាំងអស់ ត្រូវរួមគ្នាថែរក្សាសុខភាព និងរួមគ្នាប្រយុទ្ធប្រឆាំងនឹងគ្រឿងញៀន ដោយត្រូវចាត់ទុកថា «បញ្ហាគ្រឿងញៀន គឺជាបញ្ហារួមរបស់យើងទាំងអស់គ្នា» ដែលត្រូវចូលរួមទប់ស្កាត់ និងលុបបំបាត់ឱ្យអស់ពីសហគមន៍។

(ស្រុកកងមាស) សិស្សានុសិស្ស លោកគ្រូ អ្នកគ្រូ និងប្រជាពលរដ្ឋ នៅវិទ្យាល័យកងតាណឹង ប្រមាណ ៣៥០ នាក់ បានចូលរួមក្រេបយកចំណេះដឹង និងសិក្សាស្វែងយល់បន្ថែម ស្តីពីការផ្សព្វផ្សាយ ច្បាប់ស្តីពីការត្រួតពិនិត្យគ្រឿងញៀន ដែលពិធីនេះរៀបចំដោយក្រសួងអធិការកិច្ច សហការជាមួយ រដ្ឋបាលខេត្តកំពង់ចាម និងអាជ្ញាធរជាតិប្រយុទ្ធប្រឆាំងគ្រឿងញៀន។

(រាជធានីភ្នំពេញ) តបតាមការអញ្ជើញរបស់អជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃទី២៥ ខែមិថុនា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មធិការប្រយុទ្ធប្រឆាំងគ្រឿងញៀនខេត្ត បានអញ្ជើញចូលរួម អបអសាទរ ក្នុងទិវាអន្តរជាតិប្រយុទ្ធប្រឆាំងគ្រឿងញៀន ២៦ ខែមិថុនា ឆ្នាំ២០២៦ «ក្រោមប្រធានបទ រួមគ្នាឆ្លើយតបបញ្ហាគ្រឿងញៀនក្នុងបរិបទថ្មីប្រកបដោយភាពច្នៃប្រឌិត » ក្រោមអធិបតីភាពដ៏ខ្ពង់ខ្ពស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិតនៅសាលមហោស្រព កោះពេជ្រ៕