ព័ត៌មានក្នុងខេត្ត

‎(កំពង់ចាម)៖ នាព្រឹកថ្ងៃទី១៩ ខែតុលា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំអនុគណៈកម្មាធិការវិនិយោគខេត្តកំពង់ចាម ដើម្បីពិនិត្យ និងពិភាក្សាលើសំណើសុំវិនិយោគរបស់ក្រុមហ៊ុនឯកជនចំនួន២ ក្នុងភូមិសាស្ត្រខេត្តកំពង់ចាម ដែលកិច្ចប្រជុំនេះបានរៀបចំឡើងនៅសាលប្រជុំសាលាខេត្តកំពង់ចាម។

ខេត្តកំពង់ចាម៖ លោក ឃន ប្រុស អភិបាលរងខេត្ត តំណាង ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញជាអធិបតីក្នុងកិច្ចប្រជុំរួមរបស់ក្រុមការងារពិសេស និងគណៈកម្មាធិការពាក់ព័ន្ធនឹងការងារសុខាភិបាលថ្នាក់ខេត្ត ដើម្បីពិនិត្យលទ្ធផលការងារត្រីមាសទី៣ ឆ្នាំ២០២៦ និងជំរុញការអនុវត្តផែនការសុខាភិបាលឱ្យកាន់តែមានប្រសិទ្ធភាព។កិច្ចប្រជុំនេះបានធ្វើឡើងនាព្រឹកថ្ងៃទី១៩ ខែតុលា ឆ្នាំ២០២៦ នៅសាលប្រជុំតូចនៃមន្ទីរសុខាភិបាលនៃរដ្ឋបាលខេត្តកំពង់ចាម ដោយមានការចូលរួមពីមន្ត្រីពាក់ព័ន្ធ និងតំណាងមន្ទីរ អង្គភាពជុំវិញខេត្ត។

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានសម្តែងនូវការថ្លែងអំណរគុណយ៉ាងជ្រាលជ្រៅចំពោះក្រុមគ្រូពេទ្យជំនាញស្ម័គ្រចិត្តមកពីប្រទេសអូស្ត្រាលី នៃអង្គការ Cambodia Vision ដែលបានលះបង់ពេលវេលា និងថវិកាផ្ទាល់ខ្លួន ចុះមកផ្តល់សេវាពិនិត្យ និងព្យាបាលជំងឺភ្នែក ព្រមទាំងផ្តល់វ៉ែនតា និងថ្នាំព្យាបាលផ្សេងៗជូនប្រជាពលរដ្ឋក្នុងខេត្តកំពង់ចាមដោយឥតគិតថ្លៃ ដើម្បីរួមចំណែកលើកកម្ពស់សុខភាពភ្នែក និងកាត់បន្ថយបន្ទុកចំណាយរបស់ប្រជាពលរដ្ឋ។ការថ្លែងអំណរគុណនេះ បានធ្វើឡើងនារសៀលថ្ងៃទី១៨ ខែតុលា ឆ្នាំ២០២៦ នៅសាលាគរុកោសល្យភូមិភាគកំពង់ចាម។

អភិបាលខេត្តកំពង់ចាម ចុះពិនិត្យទីតាំងដីសម្បទានសង្គមកិច្ច និងត្រៀមរៀបចំដឹកជញ្ជូនប្រជាពលរដ្ឋ ៦៣គ្រួសារ ទៅរស់នៅស្រុកសេសាន ខេត្តស្ទឹងត្រែង

(ខេត្តស្ទឹងត្រែង)៖ នាថ្ងៃទី១៦ ខែតុលា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំអាជ្ញាធរមូលដ្ឋាន និងមន្ត្រីជំនាញពាក់ព័ន្ធ ចុះពិនិត្យផ្ទាល់ដល់ទីតាំងដីសម្បទានសង្គមកិច្ច និងត្រៀមរៀបចំការដឹកជញ្ជូនប្រជាពលរដ្ឋចំនួន ៦៣គ្រួសារ ស្ថិតក្នុងភូមិសាស្ត្រអូរសែវ ឃុំស្តៅ និងឃុំសាមឃួយ ស្រុកសេសាន ខេត្តស្ទឹងត្រែង។

‎រដ្ឋបាលខេត្តកំពង់ចាម ប្រារព្ធពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ «ព្រះបរមរតនកោដ្ឋ»

‎(កំពង់ចាម)÷ នាព្រឹកថ្ងៃទី១៥ ខែតុលា ឆ្នាំ២០២៦ រដ្ឋបាលខេត្តកំពង់ចាម បានប្រារព្ធពិធីគោរពវិញ្ញាណក្ខន្ធ ព្រះករុណា ព្រះបាទសម្តេចព្រះ នរោត្តមសីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» ក្រោមអធិបតីភាព ឯកឧត្តម ខ្លូត ផន ប្រធានក្រុមប្រឹក្សាខេត្ត និង ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ខណៈដែលរដ្ឋបាលខេត្តដទៃទៀតក្នុងព្រះរាជាណាចក្រកម្ពុជា ក៏បានប្រារព្ធពិធីដ៏មានអត្ថន័យជ្រាលជ្រៅនេះដូចគ្នា។

(កំពង់ចាម៖) នារសៀលថ្ងៃទី១៤ ខែតុលា ឆ្នាំ២០២៦ លោក សា ស៊ីថា អភិបាលរងខេត្តកំពង់ចាម បានដឹកនាំកិច្ចប្រជុំអនុគណៈកម្មការសុវត្ថិភាព និងសុខាភិបាល នៃគណៈកម្មការរៀបចំពិធីប្រណាំងទូកខ្នាតអន្តរជាតិ បណ្តែតប្រទីប តាំងពិព័រណ៍សមិទ្ធផល និងបាញ់ប្រហារកាំជ្រួច នៅក្រុងកំពង់ចាម។ កិច្ចប្រជុំនេះក៏មានការអញ្ជើញចូលរួមពីស្នងការដ្ឋាននគរបាលខេត្ត, ការិយាល័យនគរបាលចរាចរណ៍ផ្លូវទឹក ព្រមទាំងមន្ទីរ-អង្គភាពពាក់ព័ន្ធផងដែរ។

ជំនាញជលផល បានរុះរើបំផ្លាញចោលនូវឧបករណ៍ខុសច្បាប់នៅនឹងកន្លែង ក្នុងសកម្មភាព ចុះប្រតិបត្តិការបង្រ្កាបបទល្មើសជលផល ១ករណី នៅក្នុងភូមិសាស្ត្រស្រុកជើងព្រៃ ខេត្តកំពង់ចាម

អភិបាលខេត្តកំពង់ចាម អំពាវនាវឱ្យប្រជាពលរដ្ឋបង្កើនការប្រុងប្រយ័ត្នចំពោះជំងឺគ្រុនផ្តាសាយ ខណៈករណីជំងឺនេះមានការកើនឡើង

‎ក្រុមប្រឹក្សាខេត្ត បើកកិច្ចប្រជុំសាមញ្ញលើកទី២៩ អាណត្តិទី៤ ដើម្បីពង្រឹងប្រសិទ្ធភាពការងារ និងការផ្តល់សេវាជូនប្រជាពលរដ្ឋ

ក្រសួងរៀបចំដែនដី នគរូបនីយកម្ម និងសំណង់ ដឹកនាំកិច្ចប្រជុំ ពិនិត្យលើករណីសំណើរសុំអន្តរាគមន៍របស់ប្រជាពលរដ្ឋដែលដាក់ស្នើ មកក្រសួង ដ.ន.ស ដែលស្ថិតក្នុងភូមិសាស្ត្រខេត្តកំពង់ចាម