ព័ត៌មានក្នុងខេត្ត

ចំពោះបងប្អូនអ្នកសារព័ត៌មានដែលមានបំណងចង់ចូលរួមយកព័ត៌មានក្នុងការរៀបចំដេញថ្លៃគម្រោងមូលនិធិឃុំ សង្កាត់ សូមផ្ញើឯកសារពាក់ព័ន្ធមកមន្ទីរព័ត៌មាន ខេត្តកំពង់ចាម ចាប់ពីថ្ងៃផ្សាយសេចក្ដីជូនដំណឹងរបស់រដ្ឋបាលខេត្តកំពង់ចាម រហូតដល់ថ្ងៃទី១០ ខែកក្កដា ឆ្នាំ២០២៦ ត្រឹមវេលាម៉ោង ៥ល្ងាច ដើម្បីរៀបចំបញ្ជីឈ្មោះចេញតាមវេន ដោយក្នុងមួយវេន មាន៦អង្គភាព។

សារក្រើនរំលឹកពី យុវតី ឈៀ ចាន់ សុនីតា សិស្សវិទ្យាល័យព្រះសីហនុ អំពី បច្ចេកវិទ្យាសម័យ AI ផ្តល់ភាពងាយស្រួល តែក៏អាចបង្កជាផលប៉ះពាល់ សុខភាពផ្លូវចិត្ត និងសណ្តាប់ធ្នាប់សង្គម

ផ្សាយផ្ទាល់ ៖ បច្ចុប្បន្នភាពស្តីពី « ការវិវត្តស្ថានភាពព្រំដែនកម្ពុជា-ថៃ និង​ព្រឹត្តិការណ៍ថ្មីៗដែលកើតឡើង» ថ្ងៃចន្ទ ៧រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែកក្កដា ឆ្នាំ២០២៦ នៅទីស្តីការគណៈរដ្ឋមន្ត្រី

នាថ្ងៃទី៦ ខែកក្កដា ឆ្នាំ២០២៦ តបតាមការអញ្ជើញរបស់រដ្ឋបាលខេត្តក្រចេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមក្នុងពិធីអញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានា ជុំវិញខេត្តក្រចេះ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា។

សិស្សានុសិស្សនៃវិទ្យាល័យព្រះសីហនុ ក្រុងកំពង់ចាម ជជែកសួរដេញដោល ស្តីពីវិធានការការពារខ្លួនពីព័ត៌មានក្លែងក្លាយ

ព្យុះទី៩ ឈ្មោះ បាវី(Bavi)T2609 បានវិវត្តទៅជាព្យុះសង្ឃរា និងព្យុះទី១០ ឈ្មោះ ម៉ៃស័ក​(Maysak)T2610 មានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ។ សូមបញ្ជាក់ថាឈ្មោះព្យុះ ម៉ៃស័ក ជាឈ្មោះរបស់កម្ពុជា ហើយព្យុះនេះនឹងរលាយបាត់ទៅវិញនៅថ្ងៃទី៦ ខែកក្កដា ឆ្នាំ២០២៦ ចំណែកឯព្យុះទី៩ ឈ្មោះ បាវី(Bavi)T2609 នឹងបន្តមានឥទ្ធិពលរហូតដល់ថ្ងៃទី១២ ខែកក្កដា ឆ្នាំ២០២៦។

លោក រ័ត្ន គឹមហៃ មេឃុំអំពិល ស្រុកកំពង់សៀម បានសម្តែងការអរគុណដល់ប្រមុខរាជរដ្ឋាភិបាលដែលផ្តល់អំណោយផ្លូវមួយខ្សែ ៤ គន្លង សម្រាប់ប្រជាពលរដ្ឋប្រើប្រាស់។

ប្រធានក្រុមការងារគណបក្សប្រជាជនចុះ មូលដ្ឋានស្រុកកោះសូទិន ប្តេជ្ញាជួយគាំទ្រ លើកកម្ពស់សេវាអប់រំ និងមណ្ឌលសុខភាព កាន់តែល្អប្រសើរ

ខេត្តកំពង់ចាម ត្រៀមលក្ខណៈសម្រាប់ពិធីសម្ពោធកំណាត់ផ្លូវជាតិលេខ៧ ជាមួយការចូលរួមពីមហាជនរហូតដល់ ៧,០០០នាក់

(កំពង់ចាម) លោក ឡោ ចាន់លី លោកអភិបាលរងខេត្តកំពង់ចាម នាព្រឹកថ្ងៃទី០៥ ខែកក្កដា ឆ្នាំ២០២៦ អញ្ជើញដឹកនាំកិច្ចប្រជុំដើម្បីរៀបចំសណ្តាប់ធ្នាប់ និងធានាសុវត្ថិភាពខ្ពស់បំផុត សម្រាប់ត្រៀមលក្ខណៈទទួលមហាជនយ៉ាងកុះកររហូតដល់ ៧,០០០នាក់ ដែលនឹងមកចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ កំណាត់ផ្លូវជាតិលេខ៧ នាថ្ងៃទី៧ ខែ៧ ខាងមុខនេះ។

ដើម្បីជួយគាំទ្រ លើកកម្ពស់សុខភាពរបស់ប្រជាពលរដ្ឋ និងការអប់រំសិស្សានុសិស្សនៅស្រុកកោះសូទិន ខេត្តកំពង់ចាម ឲ្យកាន់តែល្អប្រសើរ ឯកឧត្តម ឡោ សុឡេង សមាជិកគណៈកម្មាធិការកណ្តាល និងជាប្រធានក្រុមការងារគណ បក្សប្រជាជនកម្ពុជាចុះមូលដ្ឋានស្រុកកោះសូទិន បានប្តេជ្ញាបន្តជួយជ្រោមជ្រែង និងផ្តល់ការឧបត្ថម្ភជាសំភារៈផ្សេងៗ ដើម្បីឲ្យបម្រើសេវាឲ្យកាន់តែរហ័ស និងមានប្រសិទ្ធភាពខ្ពស់។

(កំពង់ចាម) រដ្ឋបាលខេត្តកំពង់ចាម និងក្រសួងសាធារណការ ក្រោមការដឹកនាំផ្ទាល់ពីសំណាក់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងឯកឧត្តម លឹម សុីដេនីន រដ្ឋលេខាធិការ និងដឹកជញ្ជូន កំពុងញាប់ដៃញាប់ជើងរៀបចំតុបតែងលម្អ និងរៀបចំទីតាំងយ៉ាងយកចិត្តទុកដាក់ ដើម្បីត្រៀមលក្ខណៈទទួលរៀបចំពិធីសម្ពោធដាក់ឱ្យប្រើប្រាស់ជាផ្លូវការនូវ កំណាត់ផ្លូវជាតិលេខ៧ ដែលជាសមិទ្ធផលថ្មីស្រឡាងមួយបម្រើដល់ផលប្រយោជន៍សាធារណៈ។