ព័ត៌មានក្នុងខេត្ត

(កំពង់ចាម) ព្រឹកថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ​ខែសីហា ឆ្នាំ២០២៦ គណៈប្រតិភូក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា ដឹកនាំដោយ ឯកឧត្តម កែវ ពុទ្ធរស្មី តំណាងដ៏ខ្ពង់ខ្ពស់ ឯកឧត្តម ហុី សោភា ប្រធានក្រុមប្រឹក្សាធម្មនុញ្ញ បានសហការជាមួយរដ្ឋបាលខេត្តកំពង់ចាម រៀបចំសិក្ខាសាលាផ្សព្វផ្សាយអំពី “សមិទ្ធផលធម្មនុញ្ញសម្រេចបានក្នុងរយៈពេល៣០ឆ្នាំ” ដើម្បីធ្វើបទបង្ហាញជូនដល់ ឯកឧត្តមប្រធានក្រុមប្រឹក្សាខេត្ត, ឯកឧត្តម លោកជំទាវ សមាជិកក្រុមប្រឹក្សាខេត្ត, សាលាដំបូងខេត្ត ព្រះរាជអាជ្ញា នៃអយ្យការអមសាលាដំបូងខេត្ត, ថ្នាក់ដឹកនាំ មន្ត្រីរាជការ អាជ្ញាធរមូលដ្ឋាន ក្រុង ស្រុក ឃុំ សង្កាត់ និងមន្រ្តីពាក់ព័ន្ធជាច្រើនរូបទៀត។

(កំពង់ចាម)៖ នារសៀលថ្ងៃទី១២ ខែសីហា ឆ្នាំ២០២៦ លោក សា ស៊ីថា អភិបាលរង នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំត្រួតពិនិត្យអត្តសញ្ញាណកម្មប្រជាពលរដ្ឋ ដែលមានលំនៅឋាន និងដីអាស្រ័យផលលើដីចំណីអូរ ព្រែក និងទន្លេខ្ពប (ដីសាធារណៈរបស់រដ្ឋ) ស្ថិតនៅក្នុងឃុំព្រែកដំបូក ឃុំស្វាយសាច់ភ្នំ និងឃុំឫស្សីស្រុក ស្រុកស្រីសន្ធរ ខេត្តកំពង់ចាម។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅព្រឹកថ្ងៃទី១២ ខែសីហា ឆ្នាំ២០២៦នេះ បានអញ្ជើញជាអធិបតីភាពដ៏ខ្ពង់ខ្ពស់បើកកិច្ចប្រជុំស្តីពី «ការកំណត់មុខតំណែង និងការពិពណ៌នាមុខតំណែង»។

អាជ្ញាធរខេត្តកំពង់ចាម ត្រៀមចុះរឹតបន្តឹង និងពិនិត្យការអនុវត្តច្បាប់ចរាចរណ៍ផ្លូវគោក ចាប់ពីថ្ងៃទី១ ខែកញ្ញា ខាងមុខ

លោក លី សុវណ្ណ អភិបាលក្រុង អញ្ជើញ បេីកប្រអប់វិញ្ញាសារ ប្រលងទុតិយភូមិ (បាក់ឌុប )ឆ្នាំសិក្សា ២០២៥-២០២៦ នៅមណ្ឌលវិទ្យាល័យព្រះសីហនុ(ខាងជើង)

អភិបាលខេត្តកំពង់ចាម អញ្ជើញកាត់បើកស្រោមវិញ្ញាសារប្រឡងមធ្យមសិក្សាទុតិយភូមិ (បាក់ឌុប) នៅវិទ្យាល័យព្រះសីហនុ ក្រុងកំពង់ចាម

(កំពង់ចាម) ដើម្បីធានាបាននូវសុខសុវត្ថិភាព និងភាពកក់ក្តៅ ជូនប្រជាពលរដ្ឋ ជាពិសេស អាណាព្យាបាល និងសិស្សានុសិស្ស ដែលបានមកស្នាក់នៅក្នុងក្រុងកំពង់ចាម ដើម្បីត្រៀមចូលរួមប្រឡងមធ្យមសិក្សាទុតិយភូមិ នៅថ្ងៃទី១០-១១ ខែសីហា ឆ្នាំ២០២៦, នារសៀលថ្ងៃអាទិត្យទី៩ សីហា នេះ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំប្រធានមន្ទីរសាធារណការ និងដឹកជញ្ជូន និងអភិបាលក្រុងកំពង់ចាម អញ្ជើញចុះពិនិត្យស្ថានភាពទឹកទន្លេមេគង្គ និងការរៀបចំប្រព័ន្ធសុវត្ថិភាព នៅកន្លែងច្រាំងទន្លេស្រុតបាក់ ស្ថិតក្នុងសង្កាត់កំពង់ចាម ក្រុងកំពង់ចាម ខណៈទឹកទន្លេមេគង្គប៉ុន្មានថ្ងៃនេះ មានការហក់ឡើងលឿនគួរឱ្យព្រួយបារម្ភ។

ខេត្តឧត្តរមានជ័យ៖ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានដាស់តឿន និងលើកទឹកចិត្តដល់យុវជនឱ្យបន្តរក្សាភាពរឹងមាំទាំងផ្នែកស្មារតី និងការគិតគូរ រួមគ្នាប្រឆាំងព័ត៌មានក្លែងក្លាយ ដើម្បីរួមចំណែកការពារសន្តិភាព ស្ថិរភាពសង្គម និងទប់ទល់ឱ្យបានដាច់ខាតទៅនឹងរាល់ការវាយប្រហារតាមរយៈសង្គ្រាមសតិអារម្មណ៍ពីសំណាក់ក្រុមអគតិផ្សេងៗ។

(ភ្នំពេញ)៖ លោកជំទាវ ទុយ សិរីរតនៈ នេត្រភក្ត្រា ប្រធានកិត្តិយសសមាគមនារី ដើម្បីសន្តិភាព និងអភិវឌ្ឍន៍ ក្រសួងព័ត៌មាន នៅថ្ងៃទី៨ ខែសីហា ឆ្នាំ២០២៦ បានអញ្ជើញជាអធិបតីក្នុងពិធីសម្ពោធជាផ្លូវការនូវស្ទូឌីយ៉ូ Jotun Studio 271 ដែលជាសមិទ្ធផលថ្មីរបស់ក្រុមហ៊ុន N&P Investment Co., Ltd.។ ពិធីនេះបានប្រព្រឹត្តទៅយ៉ាងអធិកអធម ក្រោមការចូលរួមពីថ្នាក់ដឹកនាំក្រុមហ៊ុន និងដៃគូពាក់ព័ន្ធជាច្រើន។

កំពង់ចាម៖ នាព្រឹកថ្ងៃទី៨ ខែសីហា ឆ្នាំ២០២៦នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យវឌ្ឍនភាពការងារសាងសង់ឧបដ្ឋានសាលា នៅវត្តជំនីក ស្ថិតក្នុងឃុំពាមប្រធ្នោះ ស្រុកកោះសូទិន ខេត្តកំពង់ចាម ដើម្បីតាមដានវឌ្ឍនភាព និងពិនិត្យលើគុណភាពការងារសាងសង់ឱ្យស្របតាមលក្ខណៈបច្ចេកទេស។

កំពង់ចាម៖ នាព្រឹកថ្ងៃទី៨ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងថ្នាក់ដឹកនាំ មន្ត្រីរាជការ និងកងកម្លាំងនគរបាលទូទាំងខេត្ត បានអញ្ជើញចូលរួមគោរពវិញ្ញាណក្ខន្ធ លោកវរសេនីយ៍ទោ ម៉ាប់ សុផាត អត្តលេខ ៥៨៥៣៥ អធិការរងស្រុកស្ទឹងត្រង់ នៃស្នងការដ្ឋាននគរបាលខេត្តកំពង់ចាម។

កំពង់ចាម៖ បន្ទាប់ពីទទួលដំណឹងដ៏រន្ធត់ពីការទទួលមរណភាព លោកវរសេនីយ៍ទោ ម៉ាប់ សុផាត អធិការរងស្រុកស្ទឹងត្រង់ នាព្រឹកថ្ងៃទី០៨ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំសហការី អញ្ជើញគោរពវិញ្ញាណក្ខន្ធ និងនាំយកសារលិខិតរំលែកទុក្ខ ព្រមទាំង ថវិកា ជូនលោកស្រី ឈួន ដាឡែន ត្រូវជាភរិយា ព្រមទាំង ក្រុមគ្រួសារ ចំពោះមរណភាព លោកវរសេនីយ៏ទោ ម៉ាប់ សុផាត អត្តលេខ : ៥៨៥៣៥ ឋាន: អធិការរង នៅអធិការដ្ឋាននគរបាលស្រុកស្ទឹងត្រង់ នៃស្នងការដ្ឋាននគរបាលខេត្តកំពង់ចាម បានទទួលមរណភាព នៅថ្ងៃសុក ថ្ងៃទី៧ ខែសីហា ឆ្នាំ២០២៦ វេលាម៉ោង ១:៣០នាទី រសៀល ក្នុងជន្មាយុ ៤១ឆ្នាំ ដោយសារចុះបេសកកម្មបង្ក្រាបករណីហិង្សាដោយចេតនាបង្កដោយ (ក្រុមក្មេងស្ទាវវាយ ប្រតាយប្រតប់គ្នា) នៅភូមិសាស្ត្រស្រុកស្ទឹងត្រង់ កាលពីយប់ថ្ងៃទី២៤ ខែមេសា ឆ្នាំ២០២៦។ ដែលពិធីបុណ្យ ធ្វើនៅគេហដ្ឋាននៃសព ស្ថិតនៅភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។