ព័ត៌មានក្នុងខេត្ត

កំពង់ចាម៖ នាព្រឹកថ្ងៃទី៧ ខែវិច្ឆិកា ឆ្នាំ២០២៦ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាម បានអញ្ជើញដឹកនាំកិច្ចប្រជុំផ្សព្វផ្សាយគោលនយោបាយអភិវឌ្ឍន៍ឃុំ សង្កាត់ ឆ្នាំ២០២៧-២០៣២ ព្រមទាំងបូកសរុបរបាយការណ៍លទ្ធផលការងារគណបក្ស និងក្រុមការងារគណបក្សចុះមូលដ្ឋានខេត្ត និងកំណត់ទិសដៅភារកិច្ចបន្ត។ កិច្ចប្រជុំនេះបានប្រព្រឹត្តទៅនៅស្នាក់ការគណបក្សប្រជាជនកម្ពុជាខេត្ត ស្ថិតក្នុងក្រុងកំពង់ចាម។

អភិបាលខេត្តកំពង់ចាម អំពាវនាវឱ្យប្រជាពលរដ្ឋទៅពិនិត្យបញ្ជីឈ្មោះ និងឯកសារបោះឆ្នោត ដើម្បីធានាសិទ្ធិបោះឆ្នោតបានគ្រប់ៗគ្នា

មន្ទីរអប់រំ យុវជន និងកីឡាខេត្តកំពង់ចាម បើកការប្រកួតវគ្គផ្តាច់ព្រ័ត្រកម្មវិធី «ការស្ម័គ្រចិត្តដើម្បីសហគមន៍ខ្ញុំ» កម្រិតវិទ្យាល័យ ថ្នាក់ខេត្ត ឆ្នាំ២០២៦

‎រដ្ឋបាលខេត្តកំពង់ចាម បើកវគ្គបណ្ដុះបណ្ដាលជំរុញ «បរិវត្តកម្មឌីជីថល» និងការបញ្ជ្រាបយេនឌ័រក្នុងស្ថាប័នសាធារណៈ

កំពង់ចាម ៖ រដ្ឋបាលខេត្តកំពង់ចាមនៅព្រឹកថ្ងៃទី ៦ ខែវិច្ឆិកាឆ្នាំ ២០២៦ នេះបានទទួល វគ្គបណ្តុះបណ្តាល ស្តីពី ការដាក់ ការទទួល ការដោះស្រាយពាក្យបណ្តឹង និងការសង់ស្ថិតិប្រជាពលរដ្ឋប៉ាន់ស្មាន សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ជូនអភិបាលក្រុង ស្រុក មេឃុំ ចៅសង្កាត់ ដែលពិធីនេះធ្វើឡើងនៅសាលប្រជុំធំសាលាខេត្ត ក្រុមអធិបតីភាព ឯកឧត្តម ទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត និងឯកឧត្តម អ៊ុន ចាន់ដា អភិបាលខេត្តកំពង់ចាម ។

(កំពង់ចាម)៖ ការអភិវឌ្ឍសមត្ថភាព និងការលើកកម្ពស់ជំនាញឌីជីថលដល់មន្ត្រីរាជការ គឺជាកាតព្វកិច្ចចាំបាច់ដើម្បីឆ្លើយតបទៅនឹងយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ក្នុងការធ្វើបរិវត្តកម្មរដ្ឋបាលសាធារណៈឱ្យកាន់តែមានទំនើបកម្ម និងប្រសិទ្ធភាព។ នេះជាការលើកឡើងរបស់ លោកជំទាវ ស៊ី វណ្ណថា ទីប្រឹក្សាសម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្នុងឱកាសអញ្ជើញជាអធិបតីក្នុងពិធីបិទវគ្គបណ្តុះបណ្តាល នាថ្ងៃទី៥ ខែវិច្ឆិកា ឆ្នាំ២០២៦ នៅសាលប្រជុំសាលាខេត្តកំពង់ចាម។

(កំពង់ចាម)៖ នាព្រឹកថ្ងៃទី៥ ខែវិច្ឆិកា ឆ្នាំ២០២៦ នៅសាលាខេត្តកំពង់ចាម លោកស្រី ប៉ាង ដានី អភិបាលរង នៃគណៈអភិបាលខេត្តកំពង់ចាម និងជាប្រធានប្រតិបត្តិសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពី «ការគ្រប់គ្រងដឹកនាំក្នុងរដ្ឋបាលសាធារណៈ និងការចូលរួមកសាងស្ថាប័នក្នុងបរិបទឌីជីថល» ដោយមានការសម្របសម្រួល និងធ្វើបទបង្ហាញដោយលោក ងន់ ម័រ អគ្គនាយករង នៃអគ្គនាយកដ្ឋានប្រព័ន្ធគ្រប់គ្រងមន្ត្រីតាមឌីជីថល នៃក្រសួងមុខងារសាធារណៈ។

(កំពង់ចាម)៖ ប្រជាពលរដ្ឋក្នុងស្រុកកោះសូទិន បានស្នើសុំដោះស្រាយបញ្ហាចំនួន ៨ករណី និងលើកឡើងនូវសំណូមពរចំនួន ៣ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកំពង់ចាម លើកទី៣ អាណត្តិទី៤ នាព្រឹកថ្ងៃទី៥ ខែតុលា ឆ្នាំ២០២៦ នៅវត្តរតនៈបុប្ផារាម (មហាខ្ញូង) ស្ថិតក្នុងឃុំមហាខ្ញូង ស្រុកកោះសូទិន ខេត្តកំពង់ចាម។

គណៈកម្មាធិការពិគ្រោះយោបល់កិច្ចការស្រ្តី និងកុមារ ខេត្តកំពង់ចាម បើកកិច្ចប្រជុំសាមញ្ញលើកទី២៨ អាណត្តិទី៤

(ខេត្តហៃណាន សាធារណរដ្ឋប្រជាមានិតចិន)៖ ក្នុងដំណើរបំពេញទស្សនកិច្ចផ្លូវការនៅខេត្តហៃណាន សាធារណរដ្ឋប្រជាមានិតចិន ដើម្បីពង្រឹងចំណងមិត្តភាព និងពង្រីកកិច្ចសហប្រតិបត្តិការរវាងខេត្តសម្ព័ន្ធមេត្រីភាពកំពង់ចាម-ហៃណាន នាព្រឹកថ្ងៃទី៣ ខែវិច្ឆិកា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំគណៈប្រតិភូរដ្ឋបាលខេត្ត អញ្ជើញធ្វើទស្សនកិច្ចទៅកាន់មជ្ឈមណ្ឌលពិព័រណ៍ ស្រាវជ្រាវ និងអភិវឌ្ឍន៍សម្ភារៈ និងបរិក្ខារវេជ្ជសាស្ត្ររបស់ប្រទេសចិន ដែលមានទីតាំងស្ថិតនៅក្នុងតំបន់រដ្ឋបាលឡឺឆឹង ខេត្តហៃណាន។

អភិបាលរងខេត្តកំពង់ចាម: រាជរដ្ឋាភិបាលកម្ពុជា បន្តពង្រឹងប្រព័ន្ធគាំពារសង្គមដើម្បីលើកកម្ពស់ជីវភាពរស់នៅ និងសុខុមាលភាពមនុស្សវ័យចាស់

(កំពង់ចាម)៖ នាព្រឹកថ្ងៃទី៤ ខែវិច្ឆិកា ឆ្នាំ២០២៦ លោក ផេន សុផល អភិបាលរងខេត្តកំពង់ចាម បានអញ្ជើញដឹកនាំកិច្ចប្រជុំស្តីពី «ការងារអត្តសញ្ញាណកម្មគ្រួសារក្រីក្រ និងគ្រួសារងាយរងហានិភ័យ» នៅសាលាខេត្តកំពង់ចាម ដោយមានការចូលរួមពីមន្ត្រីជំនាញ និងអាជ្ញាធរពាក់ព័ន្ធជាច្រើនរូប។