ព័ត៌មានក្នុងខេត្ត

អភិបាលខេត្តកំពង់ចាម អញ្ជើញចុះសួរសុខទុក្ខ និងសំណេះសំណាលជាមួយកុមារកំព្រានៅមជ្ឈមណ្ឌលកុមារកំព្រាខេត្ត

កំពង់ចាម៖ នាព្រឹកថ្ងៃទី១ ខែកញ្ញា ឆ្នាំ២០២៦ លោក សា ស៊ីថា អភិបាលរង នៃគណៈអភិបាលខេត្តកំពង់ចាម ដោយទទួលបានការចាត់តាំងជាតំណាងដ៏ខ្ពង់ខ្ពស់របស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាគណៈអធិបតីក្នុងពិធីសំណេះសំណាល និងចែកអំណោយអង្ករជូនដល់បងប្អូនប្រជាពលរដ្ឋចំនួន ២៦៥ គ្រួសារ។

នៅព្រឹកថ្ងៃទី០១ ខែកញ្ញា ឆ្នាំ២០២៦ លោកស្រី ប៉ាង ដានី អភិបាលរងខេត្ត អញ្ជើញចូលរួមក្នុងពិធីបើកសិក្ខាសាលាផ្សព្វផ្សាយ ស្តីពី ផែនការសកម្មភាពជាតិ ស្តីពីការទប់ស្កាត់ និងឆ្លើយតបចំពោះអំពើហិង្សាលើកុមារ ឆ្នាំ២០២៥-២០៣០ និងជំរុញការអនុវត្តផែនការសកម្មភាពសម្រាប់ថ្នាក់ក្រោមជាតិ ក្រោមអធិបតីភាពលោកជំទាវ សម្បត្តិ សុគន្ធា អគ្គលេខាធិការង នៃអគ្គលេខាធិការដ្ឋានក្រុមប្រឹក្សាជាតិដើម្បីកុមារ នៃក្រសួងសង្គមកិច្ច អតីតយុទ្ធជន និងយុវនីតិសម្បទា នៅសាលប្រជុំមន្ទីរមន្ទីរសង្គមកិច្ច។ ក្នុងសិក្ខាសាលាក្នុងថ្ងៃនេះក៏មានការអញ្ជើញចូលរួមពី មន្ទីរអង្គភាពពាក់ពន្ធ័តំណាងក្រុង/ស្រុកទាំង១០ និងអង្គការដៃគូ។

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នាព្រឹកថ្ងៃទី០១ ខែកញ្ញា ឆ្នាំ២០២៦ បានអញ្ជើញចុះសួរសុខទុក្ខ និងសំណេះសំណាលជាមួយកុមារកំព្រា ដែលកំពុងស្នាក់នៅ និងសិក្សារៀនសូត្រ នៅក្នុងមជ្ឈមណ្ឌលកុមារកំព្រាខេត្តកំពង់ចាម ស្ថិតក្នុងសង្កាត់វាលវង់ ក្រុងកំពង់ចាម។

ផ្សាយបន្តផ្ទាល់៖ ព្រះករុណាព្រះបាទសម្តេចព្រះបរមនាថ ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សតីស្តេចយាងទៅពិនិត្យព្រះរាជសុខភាពនៅសាធារណរដ្ឋប្រជាមានិតចិន ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦

អភិបាលខេត្តកំពង់ចាម ជួបពិភាក្សាជាមួយប្រតិភូអគ្គនាយកដ្ឋានអន្តោប្រវេសន៍ និងអគ្គនាយកដ្ឋានការងារ ដើម្បីពង្រឹងការងារអធិការកិច្ចហត្ថពលកម្មបរទេស

កំពង់ចាម៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកំពង់ចាម បានទទួលជួបសម្តែងការគួរសម និងពិភាក្សាការងារជាមួយប្រតិភូអន្តរក្រសួង ដែលដឹកនាំដោយលោកអគ្គនាយករង នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ និងលោកអគ្គនាយករង នៃអគ្គនាយកដ្ឋានការងារ ក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃចន្ទ ទី៣១ ខែសីហា ឆ្នាំ២០២៦ នៅសាលាខេត្តកំពង់ចាម (សាលសាឡុង)។

ព្រឹកថ្ងៃទី៣០ ខែសីហា ឆ្នាំ២០២៦នេះ ក្រុមការងារ យុវជន តេជោ សប្បុរស ដឹកនាំដោយ ឯកឧត្តម យ៉ន ទាយាទ ទីប្រឹក្សាផ្ទាល់សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសហការី និងព្រះគ្រូ វជិរវិទូ នង ពន្លក ព្រះអនុគណស្រុកព្រៃឈរ ខេត្តកំពង់ចាម និងសហការី ព្រះធម្មានុលក្ខណ៍ សេង ម៉េងលក្ខ័ណ ព្រះលេខាធិការគណខេត្ត និងជាព្រះប្រធានលេខាធិការដ្ឋាននៃសាលាគណខេត្តកំពង់ចាម ព្រមទាំងសប្បុរសជន និងអាជ្ញាធរមូលដ្ឋាន បាននិមន្ត និងអញ្ជើញប្រគល់ផ្ទះ១ខ្នង ជាអំណោយដ៍ថ្លៃថ្លារបស់ សម្តេច តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលមាន ទំហំ ៥ម x ៦ម ជាខ្នងផ្ទះទី៦ សង់អំពី​បេតុង បង្រក់សង្កសី និងម៉ូតូ០១គ្រឿង, គ្រែ១, គ្រឿងឧបភោគ បរិភោគ សម្ភារៈមួយចំនួនធំ និងថវិកា ជូនដល់វីរកងទ័ព ដែររងរបួស ឈ្មោះ អនុសេនីយ៍ទោ សុយ ឌឿ អាយុ ៣៦ឆ្នាំ ឈរជើងនៅវាលឥន្ទ្រី ខេត្តព្រះវិហារ​ និងភរិយាឈ្មោះ គុន វ៉ានឌី អាយុ ៣០ឆ្នាំ នៅភូមិ ប្រាសាទ ឃុំតុរ៉ុង ស្រុកព្រៃឈរ ខេត្តកំពង់ចាម ។

ខេត្តកំពង់ចាម៖ នាព្រឹកថ្ងៃសៅរ៍ ទី២៩ ខែសីហា ឆ្នាំ២០២៦ ក្នុងដំណើរអញ្ជើញបំពេញបេសកកម្មការងារនៅស្រុកចំការលើ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារខេត្ត អមដំណើរដោយលោក សំ ពិសិដ្ឋ អភិបាលស្រុកចំការលើ ព្រមទាំងសហការី បានអញ្ជើញចូលរួមក្នុងកម្មវិធីបុណ្យទក្ខិណានុប្បទានគម្រប់ខួប ៧ថ្ងៃ និង ១០០ថ្ងៃ ដើម្បីឧទ្ទិសកុសលជូនដួងវិញ្ញាណក្ខន្ធ ឧបាសិកា ណាំ ស៉ឹង ដែលបានទទួលអនិច្ចកម្ម កាលពីថ្ងៃទី២៣ ខែសីហា ឆ្នាំ២០២៦ ក្នុងជន្មាយុ ៩២ឆ្នាំ ដោយជរាពាធ។

កំពង់ចាម ៖ ឯកឧត្តម អ៊ុន ចាន់ដា អភិបាលខេត្តកំពង់ចាម នៅថ្ងៃទី២៩ ខែសីហា ឆ្នាំ២០២៦ បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យស្ថានភាពដំណាំរួមផ្សំរបស់ប្រជាពលរដ្ឋ នៅក្នុងឃុំកោះរកា និងឃុំកោះទន្ទឹម ស្រុកកំពង់សៀម ដែលរងការខូចខាតដោយសារទឹកជំនន់ទន្លេមេគង្គ។

(កំពង់ចាម)៖ នារសៀលថ្ងៃទី២៨ ខែសីហា ឆ្នាំ២០២៦ នេះ សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ចាម ដឹកនាំដោយ លោកជំទាវ ប៉ាង ដានី អភិបាលរងខេត្ត និងជាប្រធានប្រតិបត្តិសាខាសមាគមនារីខេត្ត សហការជាមួយ អ្នកគ្រូ រ៉ា ស៊ូផេង មកពីក្រុមហ៊ុន ម៉ាស្ទ័រណាលី បានរៀបចំពិធីផ្សព្វផ្សាយស្តីពី «គន្លឹះដោះស្រាយបញ្ហា និងការចូលរួមបង្កើនភាពរីកចម្រើនក្នុងគ្រួសារ» នៅសាលប្រជុំមន្ទីរកិច្ចការនារីខេត្តកំពង់ចាម។

ព្រឹកថ្ងៃទី២៨ ខែសីហា ឆ្នាំ២០២៦នេះ នៅសាលាក្តីញឹម របស់អង្គការ BSDA ស្ថិតក្នុងភូមិនគរបាជ័យ ឃុំអំពិល ស្រុកកំពង់សៀម ខេត្តកំពង់ចាម បានបើកកិច្ចប្រជុំ ពិព័រណ៌អាហារ និងឱកាសស្វែងយល់លើការអប់រំ​បច្ចេកទេស​វិជ្ជាជីវៈ សតវត្សទី២១ លើកទី៣ ក្រោមវត្តមាន លោក ខ្លូត ចិន្តា អភិបាលរងខេត្ត តំណាងដ៍ខ្ពង់​ខ្ពស់​ឯកឧត្តម អ៊ុន ចាន់ដា អភិបាលនៃគណៈអភិបាល​ខេត្តកំពង់ចាម ដែលរៀបចំឡើងដោយអង្គការសកម្មភាពព្រះពុទ្ធសាសនាដើម្បីអភិវឌ្ឍន៍សង្គម BSDA ។