ព័ត៌មានក្នុងខេត្ត

កំពង់ចាម៖ អាជ្ញាធរខេត្តកំពង់ចាម សហការជាមួយក្រសួងអប់រំ យុវជន និងកីឡា និងអង្គភាពប្រឆាំងអំពើពុករលួយ បានរៀបចំ និងត្រៀមខ្លួនរួចរាល់ជាស្រេច លើកិច្ចការងារសន្តិសុខ សុវត្ថិភាព និងសណ្តាប់ធ្នាប់សាធារណៈ ដើម្បីធានាឱ្យដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង ១០ សីហា ២០២៦ ប្រព្រឹត្តទៅដោយរលូន និងមានរបៀបរៀបរយខ្ពស់។

ក្រុមហ៊ុន Yeo’s Cambodia បានសហការជាមួយក្រសួងអប់រំ យុវជន និងកីឡា ចែកភេសជ្ជៈ និងថវិកាឧបត្ថម្ភជូនសិស្សថ្នាក់ទី១២ នៃវិទ្យាល័យចំនួន ៣ ក្នុងស្រុកកងមាស ខេត្តកំពង់ចាម។

ដើម្បីធានាឱ្យដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នាថ្ងៃទី១០ ខែសីហា ឆ្នាំ២០២៦ ខាងមុខនេះ ប្រព្រឹត្តទៅដោយរលូន ស្របតាមគោលការណ៍ រដ្ឋបាលខេត្តកំពង់ចាម បានចេញសេចក្តីណែនាំ ស្តីពីការរៀបចំសន្តិសុខ និងសណ្តាប់ធ្នាប់ សម្រាប់ការប្រឡងបាក់ឌុប។

កំពង់ចាម ៖ ដើម្បីជួយសម្រាលការចំណាយរបស់អាណាព្យាបាល និងបេក្ខជនប្រឡង មកពីតាមបណ្តាស្រុកនានា ត្រូវស្នាក់នៅក្នុងក្រុងកំពង់ចាម ឯកឧត្តម អ៊ុន ចាន់ដា អភិបាលខេត្តកំពង់ចាម បានធ្វើការអំពាវនាវ និងស្នើដល់ម្ចាស់ផ្ទះសំណាក់ និងផ្ទះជួលទាំងអស់ក្នុងខេត្ត កុំឆ្លៀតឱកាសដំឡើងថ្លៃឈ្នួលបន្ទប់ ឬផ្ទះ ក្នុងអំឡុងពេលនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ១០ សីហា ២០២៦ ខាងមុខនេះ។ ការស្នើឡើងបែបនេះ នាព្រឹកថ្ងៃទី០៤ ខែសីហា ឆ្នាំ២០២៦ ក្នុងកិច្ចប្រជុំនៅសាលប្រជុំសាលាខេត្តកំពង់ចាម។

លោកជំទាវបណ្ឌិត សឿ សុជាតា អនុរដ្ឋលេខាធិការ ក្រសួងអប់រំ យុវជន និងកីឡា បានលើកឡើងថា ការការពារជំងឺឆ្លងនិងមិនឆ្លង ការថែទាំសុខភាពផ្លូវចិត្ត និងការរៀបចំរបបអាហារូបត្ថម្ភមានសុវត្ថិភាព ក្នុងគោលបំណងលើកកម្ពស់សុខុមាលភាព និងសម្តែងការយកចិត្តទុកដាក់ចំពោះបុគ្គលិកអប់រំវ័យចាស់ ដែលជាធនធានមនុស្សដ៏មានតម្លៃរបស់ជាតិ។

លោកជំទាវបណ្ឌិតអនុរដ្ឋលេខាធិការ ក្រសួងអប់រំ យុវជន និងកីឡា បានលើកឡើងថា បុគ្គលិកអប់រំវ័យចាស់គឺជាធនធានមនុស្សដ៏មានតម្លៃ និងបានលះបង់យ៉ាងច្រើនសម្រាប់ជាតិ ដូច្នេះការលើកកម្ពស់សុខុមាលភាព និងគុណភាពជីវិតរបស់ពួកគាត់ គឺជាកាតព្វកិច្ចចាំបាច់ ដោយផ្តោតលើការបង្ការជំងឺឆ្លងនិងមិនឆ្លង (លើសឈាម ទឹកនោមផ្អែម បេះដូង) ការណែនាំបណ្តាញថែទាំសុខភាពផ្លូវចិត្តដើម្បីស្មារតីមាំមួន, និងការជំរុញរបបអាហារមានសុវត្ថិភាព ស័ក្តិសមតាមវ័យ។

កំពង់ចាម៖ នាព្រឹកថ្ងៃទី១ ខែសីហា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំប្រតិភូចុះទស្សនកិច្ចសិក្សាស្តីពី «ការអនុវត្តកញ្ចប់សម្ភារអំណាន និងគណិតវិទ្យាថ្នាក់ដំបូង» នៅសាលាបឋមសិក្សាថ្លុកជ្រៅ ស្រុកកងមាស ដោយមានការចូលរួមពី លោក Flavio Bonetti តំណាងអង្គការ UNESCO ប្រចាំកម្ពុជា ថ្នាក់ដឹកនាំក្រសួង អាជ្ញាធរដែនដី និងដៃគូអភិវឌ្ឍន៍ជាច្រើនរូប។

សិស្សានុសិស្ស ចំនួន ១.១២២នាក់ និងលោកគ្រូ អ្នកគ្រូ ចំនួន ៦១នាក់ សរុបអ្នកចូលរួមទាំងអស់ មានចំនួន ១.១៨៣នាក់ នៅវិទ្យាល័យ ស្រេង គីម ស្ថិតនៅភូមិសេនសុនជើង ឃុំស្រង៉ែ ស្រុកព្រៃឈរ ខេត្តកំពង់ចាម ទទួលបានជ្រួតជ្រាប អំពីខ្លឹមសារអប់រំផ្សព្វផ្សាយ របស់កម្លាំងកងរាជអាវុធហត្ថខេត្តកំពង់ចាម និងកម្លាំងមូលដ្ឋានកងរាជអាវុធហត្ថស្រុកព្រៃឈរ ដែលបានសហការជាមួយលោកនាយកវិទ្យាល័យ នាព្រឹកថ្ងៃទី៣០ ខែកក្កដា ឆ្នាំ២០២៦ នេះ ។

នៅព្រឹកថ្ងៃទី២៩ ខែកក្កដា ឆ្នាំ២០២៦ នេះ កម្លាំងកងរាជអាវុធហត្ថខេត្តកំពង់ចាម និងកម្លាំងមូលដ្ឋានកងរាជអាវុធហត្ថស្រុកព្រៃឈរ សហការជាមួយ លោកស្រីនាយកសាលា វិទ្យាល័យ ហ៊ុន សែន ព្រៃទទឹង ធ្វើការផ្សព្វផ្សាយដល់សិស្សានុសិស្ស នៅវិទ្យាល័យ ហ៊ុន សែន ព្រៃទទឹង ស្ថិតក្នុងភូមិព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម ។

លោកស្រី ហេង សុទ្ធាវី អគ្គនាយិការក្រុមហ៊ុន វ៉ាយ អេច អេស(ខេមបូឌា) ប្តេជ្ញាបន្តបេសកកម្មជួយជ្រោមជ្រែង និងឧបត្ថម្ភផ្សេងៗ ដល់សាលាវិទ្យាល័យអប់រំពិសេសខេត្តកំពង់ចាម ដើម្បីរួមចំណែកអភិវឌ្ឍន៍ធនធានមនុស្ស។

ក្រុមនិស្សិតច្បាប់ឆ្នាំទី៣ ជំនាន់ទី២២ នៃសាកលវិទ្យាល័យគ្រប់គ្រង និងសេដ្ឋកិច្ចសាខាខេត្តកំពង់ចាមUME បានបង្ហាញសមត្ថិភាពសម្តែងនូវសវនាការត្រាប់សំណុំរឿងរដ្ឋប្បវេណី ក្រោមប្រធានបទ"វិវាទដីធ្លី" ដែលការសំដែងនេះបានឆ្លុះបញ្ចាំងពីការបំប្លែងទ្រឹស្តីច្បាប់ចេញពីថ្នាក់រៀន មកអនុវត្តជាក់ស្តែងក្នុងបន្ទប់តុលាការសាកល្បង ដែលបង្ហាញពីសមត្ថភាពយ៉ាងមាំមួនរបស់និស្សិតច្បាប់ UME ក្នុងការដើរតួអង្គជា ចៅក្រម ក្រឡាបញ្ជី និងមេធាវីការពារដើមបណ្តឹង ចុងបណ្តឹង និងតួអង្គផ្សេងៗទៀតធ្វើជា មេភូមិ មេឃុំ ធ្វើជាសាក្សីជាដើម។ ហើយការសំដែងតុលាការត្រាប់ខាងលើនេះបានធ្វើឡើងនៅសាកលវិទ្យាល័យUMEកំពង់ចាមនាពាក់កណ្តាលខែកក្កដាឆ្នាំ២០២៦នេះដោយមានការអញ្ជើញជាអធិបតីភាពីលោក សំ ធឿន នាយករងសាកលវិទ្យាល័យ នាយិការង រួមទាំងគណៈកម្មការ សាស្រ្តាចារ្យដឹកនាំ និងអាណាព្យាបាលរបស់សមណនិស្សិត និស្សិត ដើម្បីចូលរួមផ្តល់កម្លាំងចិត្តផងដែរ។

(កំពង់ចាម) អភិបាលខេត្តកំពង់ចាម ឯកឧត្តម អ៊ុន ចាន់ដា បានមានប្រសាសន៍ជំរុញឲ្យមន្ទីរអប់រំយុវជន និងកីឡាខេត្ត ព្រមទាំងរដ្ឋបាលក្រុង ស្រុក ត្រូវបង្កើនសកម្មភាពកីឡាឲ្យបានផុសផុល និងការហាត់ប្រាណដើម្បីថែរក្សាសុខភាព ។