ថ្នាក់ដឹកនាំមន្ទីរសុខាភិបាលខេត្តបាត់ដំបង ចាត់ទុកការចូលរួមរបស់ស្វាមី ក្នុងការគាំទ្រ ថែទាំភរិយាមានផ្ទៃពោះ គឺជាការធ្វើឱ្យការសម្រាល និងការថែទាំទារក ប្រកបដោយសុវត្ថិភាព
បាត់ដំបង ៖ ថ្នាក់ដឹកនាំមន្ទីរសុខាភិបាលខេត្តបាត់ដំបង ចាត់ទុកថា ការចូលរួមរបស់ស្វាមី ក្នុងការគាំទ្រ ថែទាំភរិយាមានផ្ទៃពោះ ក៏ដូចជាក្នុងពេលសម្រាល និងក្រោយការសម្រាល គឺជាចំណុចគួរឱ្យលើកទឹកចិត្ត ព្រោះសុខភាពមាតា និងទារក មិនមែនជាការទទួលខុសត្រូវរបស់ម្តាយតែម្នាក់ឯងប៉ុណ្ណោះទេ ប៉ុន្តែត្រូវការការយល់ដឹង ការគាំទ្រ និងការសម្រេចចិត្តរួមពីក្រុមគ្រួសារ ដើម្បីសុវត្ថិភាពមាតា និងទារក ទើបគ្រួសារមានសុភមង្គល ។
