Provincial News

នៅក្នុងថ្ងៃប្រារព្ធពិធីបុណ្យរ៉យ៉ាហាជី អៃឌីលអាត់ហា ឆ្នាំ១៤៤៧ មូហាំម៉ាត់សករាជ របស់សាសនិកឥស្លាម នៅថ្ងៃទី២៧ ខែឧសភា ឆ្នាំ២០២៦ លោកឧកញ៉ា លី វាសនា អនុប្រធានក្រុមការងារចុះមូលដ្ឋានខេត្តកំពង់ចាម និងជាប្រធានអង្គការមូលនិធិមូស្លីមកម្ពុជា បានដឹកនាំយកគោគួពាន មកបែងចែកជូនដល់បងប្អូនសាសនិកឥស្លាមដោយផ្ទាល់ នៅភូមិព្រៃខ្ជាយ ឃុំបារាយណ៍ ស្រុកព្រៃឈរ ខេត្តកំពង់ចាម។

ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ចាម នៅព្រឹកថ្ងៃទី២៨ ខែឧសភា ឆ្នាំ២០២៦ នេះ បានអញ្ជើញជាអធិបតី ក្នុងឱកាសប្រារព្ធទិវាអតីតយុទ្ធជន និងនិវត្តជនកម្ពុជា លើកទី១៩ ឆ្នាំ២០២៦ នៅសាលាស្រុកស្ទឹងត្រង់ ដែលមានការចូលរួមពីថ្នាក់ដឹកនាំខេត្ត ថ្នាក់ដឹកនាំស្រុក និងអតីតយុទ្ធជន និងនិវត្តជន ប្រមាណជាជាង ២០០នាក់ ។

នៅព្រឹកថ្ងៃទី២៨ ខែឧសភា ឆ្នាំ២០២៦ លោក លី សារ៉ារិទ្ធ អភិបាលរងខេត្ត តំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បាននាំយកថវិកាបរិច្ចាគ ពីថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ បងប្អូនប្រជាពលរដ្ឋ និងសប្បុរសជនក្នុងខេត្តកំពង់ចាម ផ្ដល់ជូនមូលនិធិគន្ធបុប្ផាកម្ពុជា ក្នុងពិធីបើកយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ ក្រោមអធិបតីភាព លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា នៅសណ្ឋាគារ Raffle Hotel Le Royal Phnom Penh។

នៅព្រឹកថ្ងៃទី២៩ ខែឧសភា ឆ្នាំ២០២៦ កម្លាំងកងរាជអាវុធហត្ថខេត្តកំពង់ចាម និងកម្លាំងមូលដ្ឋានកងរាជអាវុធហត្ថក្រុងកំពង់ចាម ដឹកនាំដោយលោកវរសេនីយ៍ទោ សែម ឃាង នាយសេនាធិការរងកងរាជអាវុធហត្ថខេត្តកំពង់ចាម សហការជាមួយគណៈគ្រប់គ្រងវិទ្យាល័យ បានធ្វើការផ្សព្វផ្សាយអប់រំដល់លោកគ្រូ អ្នកគ្រូ និងសិស្សានុសិស្ស នៅវិទ្យាល័យ ហ៊ុន សែន អនុវត្ត ស្ថិតនៅក្រុងកំពង់ចាម ខេត្តកំពង់ចាម ។

(កំពង់ចាម)៖ រសៀលថ្ងៃព្រហស្បតិ៍ ទី២៨ ខែឧសភា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្តកំពង់ចាម រួមដំណើរដោយឯកឧត្តម លោកជំទាវ អនុប្រធាន សមាជិក សមាជិកាគណ:កម្មាធិការសាខា លោក ភោគ សាវុធ ប្រធានគណៈកម្មាធិការអនុសាខាស្រុក និងក្រុមការងារ បានអញ្ជើញចុះជួបសួរសុខទុក្ខ និងនាំយកអំណោយមនុស្សធម៌ដ៏ថ្លៃថ្លា របស់សម្តេចកិត្តិព្រឹទ្ធបណ្ឌិត ជូនពលរដ្ឋរងគ្រោះដោយខ្យល់កន្ត្រាក់ ៥២គ្រួសារ រស់នៅភូមិ អូរស្វាយលិច ៤៦គ្រួសារ និងភូមិ អូរស្វាយកើត ៦គ្រួសារ ស្ថិតក្នុងឃុំព្រែកកុយ ស្រុកកងមាស ដែលកម្មវិធីប្រព្រឹត្តទៅនៅក្នុងបរិវេណវត្តអូរស្វាយ ឃុំព្រែកកុយ ជាទីដែលអារាមនេះក៏ត្រូវរងគ្រោះដោយខ្យល់កន្ត្រាក់ ផងដែរ។

ជំនាញរដ្ឋបាលជលផលកំពង់ចាម ចុះផ្សព្វផ្សាយច្បាប់ជលផល និងសេចក្តីជូនដំណឹងរដូវបិទនេសាទ ដល់ប្រជានេសាទ និងបង្ក្រាបបទល្មេីសជលផល ០៤ករណី

នៅថ្ងៃទី២៦ ខែឧសភាឆ្នាំ ២០២៦ លោក ប៉ូ រ៉ាវុធ អភិបាលរង នៃគណៈអភិបាលស្រុកស្ទឹងត្រង់ បានដឹកនាំ លោកអធិការនគរបាលស្រុក អាជ្ញាធរភូមិឃុំអារក្សត្នោត ចុះណែនាំ និងធ្វើកិច្ចសន្យា ដល់ម្ចាស់អាជីវករលក់ដូរទុរេន ក្នុងភូមិសាស្រ្តបែកអន្លូង ឃុំអារក្សត្នោត ដែលមកលក់ដូរ នៅលើទឹកដីភូមិបែកអន្លូង បានចំនួន ៨ទីតាំង ។

នៅថ្ងៃទី២៥ ខែឧសភា ឆ្នាំ២០២៦ វេលា ម៉ោង ៨ ÷៥០នាទី ប៉ុស្តិ៍នគរបាលរដ្ឋបាលអំពិល បានទទួលព័ត៌មានពីប្រជាពលរដ្ឋ រាយការណ៍ថា មានករណីអគ្គីភ័យ (ឆេះផ្ទះ) ស្ថិតនៅចំណុច ភូមិអណ្តូងច្រុះ ឃុំអំពិល ស្រុកកំពង់សៀម ខេត្ត កំពង់ចាម ។

នៅថ្ងៃទី ២៦ ខែឧសភា ឆ្នាំ ២០២៦ នេះ កម្លាំងការិយាល័យនគរបាលសណ្តាប់ធ្នាប់ របស់ស្នងការដ្ឋាននគរបាលខេត្តខេត្តកំពង់ចាម បានបន្តសហការជាមួយអាជ្ញាធរក្រុងកំពង់ចាម បន្តចុះរៀបចំសណ្ដាប់ធ្នាប់ និងផ្សព្វផ្សាយ ដល់អាជីវករលក់ដូរ នៅគោលដៅផ្សារបឹងកុក ក្នុងក្រុងកំពង់ចាម។

នៅថ្ងៃទី២៥ ខែឧសភា ឆ្នាំ២០២៦ នេះ មន្ត្រីជំនាញខណ្ឌរដ្ឋបាលជលផលកំពង់ចាម សហការជាមួយអាជ្ញាធរមូលដ្ឋាន បានចុះផ្សព្វផ្សាយច្បាប់ស្តីពីរជលផល និងសេចក្តីជូនដំណឹង ស្តីពីរដូវបិទនេសាទ ឆ្នាំ២០២៦ ដល់ប្រជានេសាទតាមដងទន្លេមេគង្គ ក្នុងស្រុកកោះសូទិន និងបន្តចុះប្រតិបត្តិការបង្ក្រាបបទល្មេីសជលផល ចំនួន ០៤ករណី ។

មន្ត្រីជំនាញខណ្ឌរដ្ឋបាលជលផលកំពង់ចាម សហការជាមួយអធិការដ្ឋានរដ្ឋបាលជលផលមេគង្គ និងអាជ្ញាធរស្រុកកំពង់សៀម សហគមន៍នេសាទវិហារធំ ថ្ងៃទី២៨ ខែឧសភា ឆ្នាំ២០២៦ នេះ បានចុះប្រតិបត្តិការបង្ក្រាបបទល្មើសជលផល បានចុះរុះរើ និងបំផ្លាញចោលនូវឧបករណ៍ខុសច្បាប់ នៅនឹងកន្លែង ចំនួន ០២ករណី នៅក្នុងឃុំវិហារធំ ស្រុកកំពង់សៀម ។