អាជ្ញាធរក្រុងប៉ៃលិន ចុះអប់រំផ្សព្វផ្សាយស្តីពីការបង្ការការឆបោកតាមអនឡាញ និងការងារសន្តិសុខ-សង្គម ជូនពលរដ្ឋភូមិអូរពឺត

ប៉ៃលិន៖ នៅព្រឹកថ្ងៃទី១៤ ខែកញ្ញា ឆ្នាំ២០២៦ រដ្ឋបាលក្រុងប៉ៃលិន សហការជាមួយរដ្ឋបាលសង្កាត់ទួលល្វា និងកម្លាំងប៉ុស្តិ៍នគរបាលរដ្ឋបាល បានចុះយុទ្ធនាការអប់រំផ្សព្វផ្សាយច្បាប់ និងគោលនយោបាយសំខាន់ៗជូនប្រជាពលរដ្ឋភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន ក្រោមការដឹកនាំដោយលោក ឃឹម ប៉េងចុង អភិបាលរងក្រុងប៉ៃលិន។ ពិធីនេះមានការចូលរួមពីសំណាក់លោកមេភូមិ អនុភូមិ សមាជិកភូមិ និងបងប្អូនប្រជាពលរដ្ឋសរុបចំនួន ៥៦នាក់ (ស្ត្រី ២៩នាក់)។