កំពង់ចាម៖ បើតាមប្រជាពលរដ្ឋដែលជាអ្នករស់នៅតាមដងទន្លេមេគង្គខេត្តកំពង់ចាមរំពឹងថាទឹកទន្លេនៅថ្ងៃដាក់បិណ្ឌទី១នឹងស្រកចុះមកវិញនូវកម្រិតមួយដែលអាចឲ្យពួកគាត់អាចធ្វើដំណើរបានស្រួលដោយមិនចាំបាច់ឆ្លងទូកដ ឫសាឡាង ដោយបច្ចុប្បន្នកំណាត់ផ្លូវគោកមួយចំនួនបានជន់លិច។ ពលរដ្ឋបានឲ្យដឹងទៀតថាបើសិនជាទឹកទន្លេស្រកនៅពេលដាក់បិណ្ឌទី១មែន គឺពលរដ្ឋទូទៅអាចយកចង្ហាន់ទៅប្រគេនព្រះសង្ឃបានដោយងាយស្រួល និងទាន់ពេលវេលា។

កំពង់ចាម៖ ដោយឡែកបើយោងតាមរបាយការណ៍ពីមន្ទីរធនធានទឹក និងឧតុនិយមខេត្តកំពង់ចាម បានឱ្យដឹងថាកម្ពស់ទឹកនៅថ្ងៃទី០៨ខែកញ្ញា ឆ្នាំ២០២៦ កម្ពស់ទឹកបានកើនឡើងដល់កម្ពស់១៣,៦២ម៉ែត្រ បើធៀបនឹងថ្ងៃម្សិលមិញទឹកទន្លឡើង០,១៦ម៉ែត្រ។ កម្ពស់នាពេលនេះបើធៀបកាលពីឆ្នាំ២០២៥ គឺមានកម្ពស់១៣,៣០ម៉ែត្រប៉ុណ្ណោះ ហើយកម្ពស់ទឹកដែលត្រូវប្រកាសប្រុងប្រយ័ត្ននៅតំបន់នេះគឺ១៥,២០ម៉ែត្រ។

មន្ទីរធនធានទឹក និងឧតុនិយមខេត្តកំពង់ចាម នៅព្រឹកថ្ងៃទី០៦ ខែកញ្ញា ឆ្នាំ២០២៦នេះ បានចេញរបាយការណ៍ស្តីពីស្ថានភាពធាតុអាកាស និងកម្ពស់ទឹកទន្លេមេគង្គ បានឱ្យដឹងថា កម្ពស់ទឹកទន្លេមេគង្គក្នុងខេត្តបានចាប់ផ្តើមហក់ឡើងវិញបន្តិច ស្របពេលដែលមានភ្លៀងធ្លាក់នៅតាមបណ្តាក្រុង-ស្រុកចំនួន ៧។

យោងតាមព្រឹត្តិបត្រព័ត៌មាន ស្ដីពី ស្ថានភាពធាតុអាកាសបានបង្ហាញថា ព្យុះទី២៤ ឈ្មោះ ក្រវាន់ (Krovanh) T2624 និងព្យុះទី១៨ ឈ្មោះ សូដេល (Saudel) T2618 នៅតែបន្តមានឥទ្ធិពលលើរបបខ្យល់មូសុងនិរតី ដែលបក់លើតំបន់ឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។

ក្រសួងធនធានទឹក និងឧតុនិយម នៅថ្ងៃទី១ ខែកញ្ញា ឆ្នាំ២០២៦ នេះ បានចេញសេចក្តីជូនដំណឹង ស្តីពី ស្ថានភាពធាតុអាកាស ដោយបញ្ជាក់ថា ព្រះរាជាណាចក្រកម្ពុជា កំពុងទទួលរងឥទ្ធិពលពីប្រព័ន្ធខ្យល់មូសុងនិរតីដែលបន្តកើនកម្លាំងយ៉ាងសកម្ម ក្រោមការរុញច្រានពីព្យុះចំនួន ២ គឺព្យុះទី២២ "អេតាវ" (Etau) T2622 និងព្យុះទី២៣ "បាងឡាង" (Bang-lang) T2623។

ក្រសួងធនធានទឹក និងឧតុនិយម បានប្រកាសចេញសេចក្ដីជូនដំណឹងជាបន្ទាន់ ស្តីពីបច្ចុប្បន្នភាពធាតុអាកាសនៅកម្ពុជា ដោយសារការកើនឡើងកម្ដៅនៃប្រព័ន្ធខ្យល់មូសុងនិរតី គ្របដណ្តប់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ និងដែនសមុទ្រកម្ពុជា។