ព័ត៌មានតាមបណ្តារខេត្ត

រដ្ឋបាលខេត្តកណ្តាល រៀបចំវេទិកាផ្សព្វផ្សាយច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ច្បាប់ស្តីពីការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ និងផលប៉ះពាល់នៃការធ្វើចំណាកស្រុកដោយប្រថុយប្រថាន នៅស្រុកចំនួន០២ ក្នុងភូមិសាស្ត្រខេត្តកណ្តាល

សេចក្ដីជូនដំណឹង របស់ក្រសួងធនធានទឹក និងឧតុនិយម ស្ដីពីស្ថានភាពធាតុអាកាស នៅព្រះរាជាណាចក្រកម្ពុជា សំរាប់ថ្ងៃទី ០១ ខែកក្កដា ឆ្នាំ២០២៦

វគ្គបំប៉នសមត្ថភាពស្តីពី «ការគ្រប់គ្រងសាលារៀន ដើម្បីគាំទ្រការអនុវត្តស្តង់ដាសាលារៀនគំរូ សម្រាប់អនុវិស័យអប់រំកុមារតូច» ក្នុងគោលបំណងពង្រឹង និងលើកកម្ពស់គុណភាពអប់រំកុមារតូច នៅតាមបណ្តាខេត្តគោលដៅ។

បាត់ដំបង៖ របាំបញ្ជាន់ស្រូវ គឺជារបាំប្រជាប្រិយមួយ ដែលឆ្លុះបញ្ចាំងពីទិដ្ឋភាពជីវភាពសហគមន៍កសិករ និងភាពសប្បាយរីករាយ ក្នុងរដូវប្រមូលផល នេះបើតាមការលើកឡើង របស់លោក គួយ វិច្ឆិកា អនុប្រធានការិយាល័យសិល្បៈទស្សនីយភាពនៃមន្ទីរវប្បធម៌ និងវិចិត្រសិល្បៈខេត្តបាត់ដំបង។ របាំនេះ ដើមឡើយត្រូវបានបង្កើតឡើង ដោយជនជាតិភាគតិចព័រ ក្នុងស្រុកសំឡូត ខេត្តបាត់ដំបង ដែលបង្ហាញអំពីវិធី សាស្ត្រនៃការប្រមូលផលស្រូវបែបបុរាណ និងសាមគ្គីភាព ការជួយយកអាសារគ្នា របស់ប្រជាកសិករ ក្នុងសហគមន៍ ជាពិសេសចង់បង្ហាញ អំពីតម្លៃនៃស្រូវអង្ករ ដែលជា “មាសស” របស់កម្ពុជា។

មន្ទីរព័ត៌មានខេត្តសៀមរាប បានប្រកាសពីការត្រៀមលក្ខណៈរួចរាល់ជាស្រេច ដើម្បីរៀបចំយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ “ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន” ដែលផ្ដោតលើការពង្រឹងអក្ខរកម្មព័ត៌មានដល់សាធារណជន ជាពិសេសយុវជនដោយអនុវត្តយុទ្ធសាស្ត្រ «៣កុំ ១ការពារ» ជាអាវក្រោះឌីជីថល ដើម្បីទប់ស្កាត់ព័ត៌មានបំភ្លៃ និងព័ត៌មានមិនពិត ដែលចាប់ផ្ដើមអនុវត្តចាប់ពីដើមខែកក្កដា ឆ្នាំ២០២៦នេះតទៅ។

រសៀលថ្ងៃទី៣០ ខែមិថុនា ឆ្នាំ២០២៦ នៅមន្ទីរព័ត៌មានខេត្តប៉ៃលិន មានបើកកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅបន្ត សម្រាប់ឆមាសទី២ ឆ្នាំ២០២៦ ក្រោមអធិបតីភាព លោក ញ៉ឹប បូរី ប្រធានមន្ទីរព័ត៌មានខេត្តប៉ៃលិន។ នេះជាកិច្ចប្រជុំជាប្រក្រតី របស់មន្ទីរព័ត៌មានខេត្តប៉ៃលិន ក្នុងគោលដៅឆ្លុះបញ្ចាំងពីសមិទ្ធិផលការងារដែលសម្រេចបានក្នុងឆមាសទី១ ធៀបនឹងផែនការឆ្នាំ របស់មន្ទីរព័ត៌មានខេត្តប៉ៃលិន ក៏ដូចជាការផ្តល់អានុសាសន៍ណែនាំ តម្រង់ទិស សម្រប់ផែនការការងារ ដែលត្រូវអនុវត្តបន្តក្នុងឆមាសទី២ ឆ្នាំ២០២៦។

ក្រុមគ្រូពេទ្យផ្នែកវះកាត់នៃមន្ទីរពេទ្យបង្អែកខេត្តកោះកុង សហការជាមួយក្រុមគ្រូពេទ្យនៃសមាគមសល្យសាស្ត្រកម្ពុជាផ្នែកជំងឺបាក់បែកឆ្អឹង គាំទ្រដោយអង្គការ AO Alliance បានវះកាត់អ្នកជំងឺដែលមានបញ្ហាឆ្អឹង ចំនួន២ករណី។

សេចក្ដីជូនដំណឹង របស់ក្រសួងធនធានទឹក និងឧតុនិយម ស្ដីពីកម្ពស់ទឹកទន្លេសាប ទន្លេមេគង្គ និងទន្លេបាសាក់ ពិនិត្យឃើញនៅថ្ងៃទី ០១ ខែកក្កដា ឆ្នាំ២០២៦

សារាចរណែនាំរបស់ប្រមុខរាជរដ្ឋាភិបាលកម្ពុជា ដែលទទួលបាននៅព្រឹកថ្ងៃទី១ ខែកក្កដា ឆ្នាំ២០២៦ បានបញ្ជាក់ថា បច្ចុប្បន្ន ដោយសាររាជរដ្ឋាភិបាលបាន និងកំពុងយកចិត្តទុកដាក់ខ្ពស់ លើស្ថានការណ៍ចំពោះមុខ នៅតាមព្រំដែនកម្ពុជា-ថៃ ជាពិសេសការដោះស្រាយបញ្ហានានា ជូនប្រជាពលរដ្ឋភៀសសឹក ក៏ដូចជាកិច្ចការអាទិភាពចំពោះមុខមួយចំនួន

ទិវាមច្ឆជាតិ១ កក្កដា ត្រូវបានរៀបចំឡើងជារៀងរាល់ឆ្នាំក្នុងគោលបំណងផ្សព្វផ្សាយនិងបំផុសស្មារតីឱ្យប្រជាពលរដ្ឋនៅទូទាំងប្រទេសចូលរួមអភិរក្ស និងអភិវឌ្ឍធនធានជលផលប្រកបដោយនិរន្តរភាព សំដៅបង្កើនផលស្តុកមច្ឆជាតិ បំពេញសេចក្តីត្រូវការអាហារមូលដ្ឋានប្រចាំថ្ងៃ ធានាសន្តិសុខស្បៀង និងជួយទ្រទ្រង់ជីវភាពប្រជាពលរដ្ឋ។

ពន្ធនាគារខេត្តប៉ៃលិន មានរៀបចំកិច្ចប្រជុំមួយស្តីពី «ការបូកសរុបលទ្ធផលការងារប្រចាំខែមិថុនា និងលើកទិសដៅអនុវត្តបន្តសម្រាប់ខែកក្កដា ឆ្នាំ២០២៦» ក្រោមអធិបតីភាពដ៏ខ្ពង់ខ្ពស់របស់ លោកឧត្តមអគ្គានុរក្សថ្នាក់លេខ៣ កូវ កឿត ប្រធានពន្ធនាគារខេត្តប៉ៃលិន ក្នុងគោលបំណងពិភាក្សាផ្ដោតលើការងារគ្រប់គ្រងជនជាប់ឃុំ និងពង្រឹងផែនការសន្តិសុខ ក្នុងពន្ធនាគារ ។

ឯកឧត្តម ហាក់ សុខមករា អភិបាលរងខេត្តកណ្តាល បានដឹកនាំកិច្ចប្រជុំផ្សព្វផ្សាយគម្រោងជួសជុលកែលម្អប្រឡាយលេខ៦១ ដែលគម្រោងនេះមានគោលបំណងដើម្បីរំដោះទឹក ចែកចាយទឹក និងបង្វែរទឹកជំនន់ចេញពីភូមិសាស្ត្ររាជធានីភ្នំពេញ។ កិច្ចប្រជុំនេះមានការអញ្ជើញចូលរួមពីសំណាក់អាជ្ញាធរមូលដ្ឋាន ថ្នាក់ដឹកនាំមន្ទីរ-អង្គភាពពាក់ព័ន្ធ និងមន្ត្រីជំនាញជាច្រើនរូបផងដែរ។