បន្ទាយមានជ័យ៖ នៅព្រឹកថ្ងៃអង្គារ ទី១០ ខែវិច្ឆិកាឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តបន្ទាយមានជ័យ (ល.ខ.ប) បានរៀបចំកិច្ចប្រជុំស្តីពីវឌ្ឍនភាពការងារការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ ក្រោមអធិបតីភាព លោក ឈឿន ក្រៃយ៉ុង អភិបាលរងខេត្ត តំណាង ឯកឧត្តម អ៊ុំ រាត្រី អភិបាលនៃគណៈអភិបាលខេត្ត និងលោក យ៉ង់ សិក្តិ ប្រធានលេខាធិការដ្ឋានរៀបចំការបោះឆ្នោតខេត្ត ។

លោក ឃ្លោក នួយ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត ចុះពិនិត្យមើលទីតាំងត្រៀមចែកស្រូវពូជ ដល់ប្រជាកសិករដែលរងការខូចខាតដោយសារទឹកជំនន់ ក្នុងស្រុកមង្គលបូរី នារសៀលថ្ងៃទី២៨ ខែតុលា ឆ្នាំ២០២៦។

នៅព្រឹកថ្ងៃពុធ ២រោច ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២៨ ខែតុលា ឆ្នាំ២០២៦ លោក ឃូ ពៅ អភិបាលរងខេត្ត និងជាតំណាងដ៏ខ្ពង់ខ្ពស់របស់ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានអមដំណើរដោយ លោក ដា ទឹង ប្រធានក្រុមប្រឹក្សាស្រុក និងលោក ស៊ុត ង៉ុយ អភិបាលស្រុកស្វាយចេក ព្រមទាំងសហការី បានចុះនាំយកថវិកាឧបត្ថម្ភរបស់ សមាគមអតីតយុទ្ធជន និងនិវត្តន៍ជន ខេត្តបន្ទាយមានជ័យ ទៅប្រគល់ជូនគ្រួសារសពអតីតយុទ្ធជនចំនួន ៣គ្រួសារ នៅស្រុកស្វាយចេក។

នាព្រឹកថ្ងៃទី២៨ ខែតុលា ឆ្នាំ២០២៦ លោក ឃូ ពៅ អភិបាលរងខេត្តបន្ទាយមានជ័យ តំណាងឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាអធិបតីក្នុងកិច្ចប្រជុំណែនាំស្តីពីការរៀបចំកិច្ចប្រជុំស្ទាបស្ទង់មតិ ដើម្បីជ្រើសរើសបេក្ខជនឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧ ដែលប្រព្រឹត្តទៅនៅទីស្នាក់ការស្រុកស្វាយចេក ខេត្តបន្ទាយមានជ័យ។

ការថែទាំ និងជួសជុលផ្លូវថ្នល់ដែលរងការខូចខាតជាបន្តបន្ទាប់ គឺជាកិច្ចការសំខាន់ក្នុងការរក្សាគុណភាពហេដ្ឋារចនាសម្ព័ន្ធដឹកជញ្ជូន និងសម្រួលដល់ការធ្វើដំណើរប្រចាំថ្ងៃរបស់ប្រជាពលរដ្ឋ។ ក្នុងទិសដៅនេះ ក្រុមការងារមន្ទីរសាធារណការ និងដឹកជញ្ជូនខេត្តបន្ទាយមានជ័យ បានបន្តអនុវត្តន៍ការងារជួសជុលផ្លូវជាតិ និងផ្លូវខេត្តដែលរងការខូចខាត ដើម្បីលើកកម្ពស់សុវត្ថិភាព និងភាពងាយស្រួលក្នុងការធ្វើចរាចរណ៍។

លោក ឈឿន ក្រៃយ៉ុង អភិបាលរងខេត្តបន្ទាយមានជ័យ បានជំរុញឱ្យរដ្ឋបាលស្រុកព្រះនេត្រព្រះ អង្គភាពផ្តល់សេវាតាមវិស័យ និងអ្នកពាក់ព័ន្ធ បន្តពង្រឹងការបញ្ចូលទិន្នន័យបិទផ្សាយ (Post On) និងពិនិត្យកែលម្អទម្រង់បែបបទនៃការផ្តល់សេវាសាធារណៈឱ្យបានត្រឹមត្រូវ ស្របតាមស្តង់ដារ និងលិខិតបទដ្ឋានគតិយុត្តជាធរមាន ដើម្បីបង្កភាពងាយស្រួលដល់ប្រជាពលរដ្ឋក្នុងការទទួលបានព័ត៌មាន និងប្រើប្រាស់សេវារដ្ឋប្រកបដោយតម្លាភាព ឆាប់រហ័ស និងមានប្រសិទ្ធភាព។