នាថ្ងៃទី ២១ ខែកញ្ញា ឆ្នាំ ២០២៦ នេះ

ភ្ញៀវទេសចរជាច្រើនកុះករបានមកទស្សនានៅអង្គរវត្ត ដើម្បីរង់ចាំទស្សនាព្រឹត្តិការណ៍ «សមរាត្រី»នៅព្រឹកថ្ងៃទី២១ ខែកញ្ញា ឆ្នាំ២០២៦ នេះ។ ទោះបីជាអាកាសធាតុមិនអំណោយផល ធ្វើឱ្យមិនទាន់ឃើញព្រះអាទិត្យរះចំកំពូលប្រាសាទក៏ដោយ ក៏បរិយាកាសទូទៅនៅតែមានភាពសប្បាយរីករាយ។ ព្រឹត្តិការណ៍នេះនឹងបន្តរហូតដល់ថ្ងៃទី២៣ ខែកញ្ញា ដែលជាឱកាសសម្រាប់ភ្ញៀវទេសចរបន្តរង់ចាំទស្សនាបន្តទៀត។

ព្រឹត្តិការណ៍ «EQUINOX ANGKOR RUN រត់ដើម្បីទេសចរណ៍» នាថ្ងៃទី២១ ខែកញ្ញា ឆ្នាំ២០២៤នេះ គឺដើម្បីទស្សនា «សមរាត្រីអង្គរ» ព្រះអាទិត្យរះចំកណ្តាលប្រាសាទអង្គរវត្ត។ មហាព្រឹត្តិការណ៍ដ៏អស្ចារ្យនេះ មិនត្រឹមតែរត់ដើម្បីសុខភាពប៉ុណ្ណោះទេ ប៉ុន្តែជាស្មារតីរត់ដើម្បីផ្សព្វផ្សាយពីវប្បធម៌ ធម្មជាតិ និងបដិសណ្ឋារកិច្ចដ៏កក់ក្តៅរបស់កម្ពុជា ទៅកាន់ពិភពលោក។

ប្រាសាទសួរព្រ័ត្រ ជាទីតម្កល់ទេពទាំង១២ សម្រាប់ការគោរពបូជាទេពដ៏ពិសេស និងតំណាងនគរទាំង១២ ដែលចំណុះ ឱ្យចក្រភពខ្មែរ។ ប្រាសាទសួរព្រ័ត្រ ត្រូវបានកសាងឡើងនាចុងសតវត្សរ៍ទី១២ ឬដើម១៣ ក្នុងរាជ្យព្រះបាទជ័យវរ្ម័នទី៧ នៅខាងមុខព្រះបរមរាជវាំង។

ក្រសួងទេសចរណ៍ នឹងសហការជាមួយរដ្ឋបាលខេត្តសៀមរាប រៀបចំនូវព្រឹត្តការណ៍នេះជារៀងរាល់លើក ដែលជាព្រឹត្តិការណ៍អម ព្រឹត្តិការណ៍សមរាត្រីដោយក្នុង១ឆ្នាំមានចំនួន២ដង គឺនៅក្នុងខែមីនា និងខែកញ្ញា។

នាព្រឹក ថ្ងៃទី២០ ខែកញ្ញា ឆ្នាំ២០២៦នេះ កម្មវិធីជិះកង់អបអរសាទរព្រឹតិ្តការណ៍សមរាត្រី នៅខាងមុខប្រាសាទអង្គរវត្ត ក្រោមប្រធានបទ «កីឡាផ្សារភ្ជាប់ជាមួយទេសចរណ៍» បានចាប់ផ្ដើមហើយ។ ជិះកង់កម្សាន្តកាត់ទេសភាពដ៏ស្រស់ស្អាតនៃតំបន់អង្គរទស្សនាបាតុភូតសមរាត្រីអង្គរដ៏អស្ចារ្យនៃថ្ងៃសមរាត្រី និងផ្តិតយករូបភាពអនុស្សាវរីយ៍ដែលមិនអាចបំភ្លេចបាន ខណៈពេលដែលទស្សនាសម្រស់ដ៏ស្រស់ស្អាតនៃខេត្តសៀមរាប។នៅព្រៃអង្គរ ដោយជួបជុំនៅបរិវេណមុខប្រាសាទអង្គរវត្ត។