បាត់ដំបង៖ ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង សូមថ្លែងអំណរគុណយ៉ាងជ្រាលជ្រៅបំផុតចំពោះ ថ្នាក់ដឹកនាំនិង បុគ្គលិកនៃធនាគារហត្ថា សាខាខេត្តបាត់ដំបង ដែលបានឧបត្ថម្ភគ្រឿងឧបភោគ រួមមាន៖ អង្កចំនួន៤០០គីឡូក្រាម,ត្រីខ ៤កេស និងមីចំនួន ២០កេស ជូនសាខាកាកបាទក្រហមកម្ពុជាខេត្តបាត់ដំបង ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

បាត់ដំបង ៖ លោក ផេង សិទ្ធី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តបាត់ដំបង បានបញ្ជាក់ថា សម្ភារៈ ដែលសប្បុរសជនបានបរិច្ចាគនេះ នឹងក្លាយទៅជាអង្ករ ម្ហូបអាហារចាំបាច់ ឬជំនួយបន្ទាន់មួយកញ្ចប់ សម្រាប់ជួយដល់គ្រួសារមួយ ដែលកំពុងជួបការលំបាក ឬគ្រួសារ ដែលរងគ្រោះនិងងាយរងគ្រោះ ដោយគ្រោះមហន្តរាយផ្សេងៗ ។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុចំនួន៣ ៧០៤បណ្ណជូនប្រជាពលរដ្ឋ១ ៧៧៩គ្រួសារមកពី៦ភូមិ ក្នុងឃុំអណ្ដើកហែប និងឃុំត្រែង ស្រុករតនមណ្ឌល ដែលពិធីនេះធ្វើឡើងនៅថ្ងៃទី២១ ខែសីហា ឆ្នាំ២០២៦ នៅសាលាស្រុករតនមណ្ឌល។

បាត់ដំបង៖ ដោយមានការយកចិត្តទុកដាក់ពី ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង នៅថ្ងៃទី១៨-១៩ ខែសីហា ឆ្នាំ២០២៦ មន្ត្រីប្រតិបត្តិសាខាខេត្ត សហការជាមួយអនុសាខាកាកបាទក្រហមកម្ពុជាស្រុកគោលដៅចំនួន២ ស្រុកសំពៅលូន និងស្រុកសំឡូត ដឹកនាំអ្នកស្ម័គ្រចិត្តបន្តចុះផ្សព្វផ្សាយ ស្តីពីហានិភ័យនៃយុទ្ធភណ្ឌមិនទាន់ផ្ទុះ ឥរិយាបថសុវត្ថិភាព ការធ្វើចំណាកស្រុកប្រកបដោយសុវត្ថិភាព និងសហគមន៍មានសុខភាពល្អ ជូនដល់ប្រជាពលរដ្ឋមករស់នៅភូមិទឹកថ្លា ឃុំអង្គរបាន ស្រុកសំពៅលូន និងភូមិតាសាញជើង ឃុំតាសាញ ស្រុកសំឡូត ខេត្តបាត់ដំបង។

បាត់ដំបង ៖ «ការពង្រឹងសមត្ថភាពអង្គការសង្គមស៊ីវិល ក្នុងយុគសម័យ Digital » គឺជាប្រធានបទមួយដ៏សំខាន់ ដែលវេទិកាសម្ព័ន្ធសង្គមស៊ីវិល ហៅកាត់ថា វ.ស.ស. នៃទីស្តីការគណៈរដ្ឋមន្ត្រី សហការជាមួយ រដ្ឋបាលខេត្តបាត់ដំបង បានរៀបចំបើកវេទិកាសន្ទនានេះឡើង សម្រាប់អង្គការសង្គមស៊ីវិលមកពីខេត្តបាត់ដំបង ប៉ៃលិន និងខេត្តបន្ទាយមានជ័យ ស្វែងរកបញ្ហាប្រឈម និងតម្រូវការ ក្នុងការរួមគ្នាបម្រើសង្គម និងប្រជាពលរដ្ឋឱ្យចំគោលដៅ ។

បាត់ដំបងៈ ប្រជាពលរដ្ឋនៅភូមិជ្រៃកោង សង្កាត់ស្លាកែត ក្រុងបាត់ដំបង កាលពីព្រឹកថ្ងៃទី១៨ ខែសីហា ឆ្នាំ២០២៦ សុទ្ធតែបានសម្តែងនូវសេចក្តីសប្បាយរីកត្រេកអរដោយទទួលបានផ្លូវកៅស៊ូមួយខ្សែប្រវែង១៥០០ម៉ែត្រ នៅចំនុចស្រែ១០០ ចាប់ពីផ្លូវកែងសាកលវិទ្យាល័បៀលប្រាយ មកទល់នឹងផ្លូវនៃសង្កាត់ក្តុលដូនទាវ ដើម្បីសម្រួលដល់ការធ្វើដំណើរ របស់ប្រជាពលរដ្ឋ ក្នុងការប្រកបមុខរបររកស៊ីប្រចាំថ្ងៃ រកប្រាក់ចំណូល ក្នុងការលើកកម្ពស់ជីវភាពគ្រួសារកាន់តែប្រសើរ ឡើង។